The Abandoned Wife

Chapter 17

NATULOY nga ang paglabas ni Beatrice at Paula kasama si Vince. Hindi sila kumain ngayon sa cafeteria ng School, kung hindi lumabas sila para kitain si Vince.

"Hindi ba mahal diyan?" tanong ni Beatrice kay Paula nang makita niya kung saan sila restaurant kakain.

"Huwag mo nang isipin kung mahal o hindi. Ang importante mabubusog at masasarapan tayo," wika naman nito sa kanya.

Magkaiba sila ng pananaw na dalawa ni Paula dahil sa estado ng pamumuhay nila. Hindi siya ipinanganak na mayaman kaya hindi siya kumakain sa mahal na restaurant. At nabubusog at masarap din naman ang mga pagkain sa restaurant.

At kahit siguro na may pera siya ay hindi niya ipagpapalit ang mga nakasanayan niyang pagkain.

Bumaba na naman si Paula sa kotse kaya bumaba na din siya.

"Let's go, Beatrice," wika nito sa kanya. Sabay naman na silang pumasok na dalawa sa loob ng restaurant.

Nakita nga niya ang paggala ni Paula ng tingin sa loob ng restuarant.

"Vince is there," wika ni Paula nang makita nito si Vince. Pagkatapos niyon ay hinawakan siya nito sa braso at hinila palapit sa kinaroroonang mesa ng lalaki.

"Vince," tawag ni Paula dito dahilan para mag-angat ito ng tingin sa kanila.

At nang makita sila nito ay awtomatikong sumilay ang ngiti sa labi nito.

Tumayo naman ito mula sa pagkakaupo nito para ipaghila sila nito ng upuan. "Mabuti naman at pinaunlakan niyo ang paanyaya ko," wika ni Vince.

Tumawa naman si Paula. "Sa susunod kasi, siya na lang ang i-text mo para personal na yayain. Hindi iyong sa akin mo idadaan," natatawang wika ni Paula.

Napansin naman ni Beatrice ang pamumula ng pisngi ni Vince habang hinahaplos nito ang batok.

"Next time," sagot nito habang nakatingin sa kanya. "Hmm...let's order?" mayamaya ay wika nito sa kanila.

Bubuka sana ang bibig niya para magsalita nang mapatigil siya nang magsalita si Paula.

"It's that, Brandon?" tanong nito.

Sinundan naman ni Beatrice kung saan nakatingin si Paula. At nakita nga niya si Brandon habang may kausap itong isang lalaki, na gaya nito ay naka-business suit din. At nakita nga din niya na nakipagkamay ang lalaki kay Brandon bago umalis ang kausap nito. Mukhang may business meeting si Brandon sa restaurant kung nasaan sila.

At akmang aalis na din si Brandon nang mapatuon ang tingin nito sa gawi nila. At hindi man lang niya nakitaan nang pagkagulat sa ekspresyon ng mukha nito nang makita sila na para bang expected nitong makikita sila do'n.

Well, expected naman talaga nito dahil nabanggit niya dito kahapon na kakain sila do'n kasama si Vince.

Humakbang naman si Brandon palapit sa gawi nila. "Fancy meeting all of you here," wika nito sa kanila.

"What are you doing here, Brandon?" Si Vince.

“I have a lunch meeting here," sagot nito. "Kararating niyo lang?"

"Yes," sagot ni Paula.

“Do you mind if I join you? I haven’t had lunch yet,” mayamaya ay wika nito.

"Sure, sure," nakangiting sagot naman ni Paula.

Napansin nga din niya ang pagtapik nito ng bakanteng silya sa tabi nito na para bang sinasabihan nito si Brandon na umupo do'n. Pero sa halip na umupo si Brandon doon ay sa bakanteng silya sa tabi niya ito naupo.

Pinagdikit naman niya ang ibabang labi nang maamoy niya ang mamahaling pabango nito na nanunuot sa kanyang ilong.

Tinawag naman na ni Vince ang staff para maka-order na sila. At nang makalapit ay inabutan sila nito ng tig-isang menu.

Tumitig naman siya do'n. Hindi kasi niya alam kung ano ang o-order-in dahil hindi siya pamilyar sa nakasulat.

“Beatrice, you should try this. It’s really good,” mayamaya ay nag-angat siya ng tingin kay Vince nang marinig niya ang sinabi nito.

"Alin dito?" tanong naman niya sabay pakita sa hawak na menu niya.

At nang sagutin siya ni Vince ay sinabi niyang iyon na lang ang o-order-in niya.

Sinabi naman nila ang order sa naghihintay na staff. "So, how's school?" mayamaya ay tanong naman ni Vince sa kanila, pero mukhang siya ang tinatanong nito dahil sa kanya ito nakatingin.

"Okay lang naman. Wala namang masyadong ginagawa dahil tapos naman na ang finals," sagot niya.

"So you're free now?"

"Ha?"

"What I mean is, hindi na kayo gaanong busy sa school?"

"Hindi naman na," sagot niya.

“Oh, that’s good. I can invite you more often.”

“She’s not busy with school, Vince but she’s busy working,” mayamaya ay sagot naman ni Brandon. At nang sulyapan niya ito sa kanyang tabi ay napansin niya ang pagseryoso ng ekspresyon ng mukha nito b

"Oh, you're working student?"

"Oo," sagot niya.

"Wow. Bilib ako sa mga kagaya mo, Beatrice. Iyong napagsasabay ang pag-aaral at trabaho."

"Salamat," wika niya dito.

Nag-usap sila habang hinihintay ang order nila. At hindi naman nagtagal ay dumating na din ang mga pagkain nila.

Nagsimula na silang kumain. Tahimik lang naman silang dalawa ni Franco. Habang nag-uusap naman si Paula at Vince pero minsan at sinasali sila nina Vince sa usapan.

"Anyway, Beatrice," mayamaya ay wika ni Vince ng matapos silang kumain.

"Bakit?"

"Do you have a social media account?" tanong nito.

Bubuka sana ang labi niya para magsalita ng mapatigil ng sumagot si Paula. "Of course, she has. Lahat naman tayo yata ay may social media account. Except lang kay Brandon," wika ni Paula sabay sulyap kay Brandon.

"I don't have time for that, Paula," sagot naman ni Brandon.

"Of course. You don’t have time to browse social media because you’re busy with your own company," komento ni Paula dito.

"What is your social media account, Beatrice? I'll add you."

Sinabi naman niya kay Vince ang pangalan niya sa social media. He immediately checked his phone. "Ito ba?" Pinakita naman nito sa kanya ang profile niya sa social media.

Tumango naman siya bilang sagot. "I'll add you now. Please accept my request," nakangiting wika nito.

"Mamaya," sagot naman niya dito.

"Tapos ano ang susunod? Magcha-chat kayo gabi-gabi o hindi kaya video call?" pang-aasar naman ni Paula sa kanila ni Vince. Si Brandon naman ay tahimik lang pero pansin niya ang pagsasalubong ng kilay nito.

Hindi naman nagbigay komento si Beatrice sa sinabi ni Paula.

Hindi naman nagtagal ay umalis na sila sa restaurant dahil babalik pa ang mga ito sa trabaho.

Silang dalawa naman ni Paula ay babalik sa school dahil inaayos nila ang ilang requirements. Hanggang sa nakauwi siya sa apartment niya.

Kinuha naman ni Beatrice ang cellphone para buksan ang social media account. May data siya dahil ni-register ang load niya ng isang buwan. Iyong may call and text at siyempre iyong may internet na.

In-accept naman niya si Vince. At akmang ibaba niya ang cellphone nang mapatigil siya nang may na-received siyang notification.

Akala niya ay galing iyon kay Vince. Pero nang tingnan ay ganoon na lang ang panlalaki ng mga mata niya nang makita kung ano iyon.

Brandon sent you a friend request.