***
"Ano? Patay na ang head chef?" bulalas ni Angel na biglang napahawak sa bibig.
"Oo. Katatawag lang ni Kuya, nakausap pa raw niya si Chef Eleanor kanina pero habang kumakain, bigla na lang parang hindi makahinga," pahayag ni Mia na naupo sa tabi ng kaibigan. "Ang sabi, most likely na contaminated daw ang kinain nito."
"Kung sinadya 'yon, for sure, kasunod na si Chef Alicia," wika ni Francis na nasa tapat ng laptop nito at may pinagkakaabalahan doon.
"Kaya nga, may naisip na raw siyang plano. Sasabihin daw niya agad sa atin kapag pumayag ang mga kasamahan niya," dagdag ni Mia.
Naroon pa rin sila sa ospital. For discharge na mamayang hapon si Calvin kaya nga pinipilit nina Nick na kahit papaano ay mapasok ang network system ng ospital. Kailangan nilang makuha ang medical
