Ang sabihing naging masaya ang bakasyon naming pamilya ay hindi sapat na sabihin. Isa itong naging napakasaya at napaka-memorable na sandali hindi lang para sa akin kung hindi para sa pamilya ko. Napaiksing panahon kung tutuusin dahil kinabukasan lamang ng lunes ay kinailangan na naming bumalik sa reyalidad.
Gayunpaman, ang lahat naman ay nag-enjoy, pwera marahil sa aking ina na mas madalas na nagkukulong sa kwartong tinutuluyan namin. Halos napuno ko rin ng mga kuha namin ang camera ni Lucas at nag-alok siyang siya na lamang ang magpa-print, ngunit tumanggi na ako dahil gusto kong ako ang maglagay nito sa album.
Nariyan pa ring may lungkot sa mukha namin habang pataas ang eroplano, at habang paliit nang paliit ang isla ng Boracay sa aming paningin.
"Makakabalik din tayo ulit, ha? O
