“YES, Cedrick! You heard it right. Dito na ako titira sa bahay ninyo kasama ka!” Kahit inulit ni Roxanne ang sinabi nito ay parang hindi pa rin makapaniwala si Cedrick.
Sinaklit niya ito sa braso. Hihilahin niya sana ito pabalik ng sasakyan ngunit nagpumiglas ito. Itinulak siya nito nang makawala sa pagkakahawak niya.
“Ano ito, Roxanne? Hindi ka pwedeng tumira dito. Nandito ang asawa ko!” singhal ni Cedrick.
“Kaya nga dito ako titira dahil nandito siya. Para kapag hindi na niya kaya ang situation ay siya na ang kusang aalis!” Naiiritang nameywang si Roxanne. “Teka nga. Bakit parang ayaw mo yata akong makasama? O baka pati ako ay niloloko mo, Cedrick! FYI, wala sa pangarap ko ang maging kabit lang habangbuhay kaya kung ganiyan ang balak mo ay tigilan na natin ito!”
“Hindi sa gan
