MATIIM na nakatingin si Angela kay Lorena habang natutulog ito. Palaisipan sa kaniya ang nangyari sa bangkay ni Sergio kung paano ito napunta sa basurahan at pinutol-putol pa. Ayon sa mga pulis na tumawag sa kaniya ay hinukay ang libingan ni Sergio at pagkatapos ay saka ito chinop-chop. Inilagay ito sa basurahan sa harapan ng bahay upang makita nila iyon. Siya kasi ang tumawag sa mga pulis kanina kaya siya ang unang kinausap.
Sa tingin niya ay sobrang tindi ng galit ng taong gumawa niyon.
Oo, malaki ang galit niya kay Sergio dahil sa kabastusan at kawalan nito ng modo pero hindi naman siya aabot sa puntong huhukayin niya ang bangkay nito at cho-chop-chop-in. Wala iyon sa kakayahan niya dahil ang ginagawa niya ay ang paghahanap ng matinding ebidensiya sa totoong pumatay kay Roxann
