ANG liit-liit na nang tingin ni Angela sa kaniyang sarili. Nilunok na niya ang kaniyang dignidad at nagmakaawa sa kabit ng kaniyang asawa. Kung hindi siya marunong lumaban ay baka madala niya sa pagiging mapagkumbaba ang lahat. Nagbabakasakali siya na uubra kay Roxanne ang ganoong atake.
Marahang inilayo ni Angela ang labi sa basang talampakan ni Roxanne. Pumayag siyang halikan ang paa at talampakan nito habang kinukunan siya ng video dahil sa nangako itong lulubayan na si Cedrick kapag ginawa niya iyon. Humalakhak ito nang malakas na mas lalong nagpaliit ng tingin niya sa sarili.
Tumingala siya kay Roxanne na nakatingin sa kaniya na akala mo ay isa itong diyos. “G-ginawa ko na ang gusto mo. Sana ay tigilan mo na si Cedrick kagaya ng ipinangako mo.” Lumuluhang sabi niya.
“Of cou
