MAAGA nang beinte minutos sa tagpuan nila ni Jeff Mitchel si Hannah. Napagkasunduan nila ng binata na magkita sa isang tahimik na coffee shop upang pag-usapan ang project nila. Dahil maaga pa, nagpasya siyang magtungo muna sa restroom upang masiguro na maganda ang kanyang ayos.
She made sure she looked her best that day. Nakasuot si Hannah ng isang makulay na bestida. Hinagod niya ng mga daliri ang kanyang buhok. Manipis lamang ang kanyang makeup. Mas nais niya kasing ipakita ang kanyang natural na ganda. Nang makontento na siya sa kanyang ayos ay lumabas na siya ng restroom.
Hindi naman siya gaanong naghintay nang matagal kay Jeff Mitchel. Sampung minuto pa bago ang pinag-usapan nilang oras ay naroon na ang binata. She had expected that. Hindi ito ang tipo na nagpapa-late sa usapan. He
