ANG AKALA ni Hannah ay magiging magkaibigan na sila ni Jeff Mitchel pagkatapos nilang gawin ang research project. Ang akala niya, kahit na paano ay mag-iiba ang relasyon nila. Hindi niya inasahan na magiging close na close na agad sila, ngunit sana ay kahit na paano ay maging mas malapit sila sa isa’t isa.
Pakiramdam niya ay walang nagbago. Tila hindi na naman siya nakikita nito. Tila bale-wala ang existence niya para sa binata. Kapag nakakasalubong niya si Jeff Mitchel ay nginingitian niya ito. Ginagantihan naman siya ng matipid na ngiti, ngunit pakiramdam niya ay nagiging polite lamang ito sa kanya. Tila napipilitan lamang ang binata.
“Alam mo, may napapansin na akong kakaiba sa `yo,” ani Yani sa kanya habang nasa library sila.
“Hmm?” tugon ni Hannah. Wala rito ang kanyang buong atens
