BUMUNTONG-HININGA si Hannah habang nakatingin kay Jeff Mitchel mula sa malayo. Hindi niya alam kung bakit patuloy niyang ginagawa ang bagay na iyon. Hindi niya alam kung bakit hindi niya mapigilan ang kanyang puso. Nakakainis na palagi itong hinahanap ng kanyang mga mata kahit na hindi siya aware minsan.
Hindi nga niya alam kung paano niya natatagalan ang gawaing iyon.
Nasa ikalawang taon na sila sa kolehiyo. Hindi na sila magkaklase. Hindi na niya madalas na nakikita si Jeff Mitchel. Tuwing may libreng oras, nagtutungo si Hannah sa mga lugar sa campus na alam niyang madalas puntahan ng binata. Pasimple niya itong pinanonood mula sa malayo.
Totoong nagalit siya kay Jeff Mitchel nang ipahiya siya nito sa library. Inakala pa nga ni Hannah na mabubura na nang tuluyan ang paghangang narara
