“SORRY,” mahinang sabi ni Hannah nang dumaing si Jeff Mitchel. Napadiin yata ang paglalagay niya ng gamot sa pumutok nitong ibabang labi. Mas iningatan niya ang pagpapahid ng gamot sa sugat nito.
Nasa convenience store pa rin silang dalawa. Bibili lang sana ng yelo o anumang malamig na bagay na maaaring itapal ni Jeff Mitchel sa pasa nito, ngunit pinilit niya ang binata lagyan na nila ng gamot ang maliit na sugat nito sa labi. May hawak itong popsicle na hindi pa nabubuksan at nakatapal sa pisngi nito na may pasa.
Nakikita ni Hannah na nais siyang itaboy kanina ni Jeff Mitchel dahil pilit nitong sinasabi na kaya na nito ang sarili at hindi kailangan ng kanyang tulong. Ngunit sadyang makulit siya. Kahit pa marahil ipagtulakan siya ng binata palabas ng store ay mananatili pa rin siya roon
