SINIKAP ni Hannah na dumistansiya kay Jeff Mitchel nang mga sumunod na araw. Hindi niya magawang tuluyang umiwas dahil magkaklase pa rin sila sa halos lahat ng subject nila. Hindi niya alam kung napapansin ng binata na hindi na niya ito gaanong kinikibo. Tila wala namang pakialam si Jeff Mitchel kung kinakausap niya ito o hindi.
Lalo siyang nasasaktan dahil unti-unting tumitimo sa kanya na walang magbabago sa mundo nito kahit na wala siya roon. She didn’t matter to him at all—not even as a friend.
Hindi itinuloy ni Hannah ang pagku-quit sa cheering squad. Kailangan niyang maging sobrang abala upang hindi niya gaanong maisip ang pagkabigo sa pag-ibig. Sa gabi, nilulukob pa rin ng matinding lungkot ang kanyang buong pagkatao. Hindi niya maiwasang iyakan ang kanyang sitwasyon. Tila napakahi
