Nanlumo si Camille sa nadatnan niya. Maraming tao ang nagkakagulo sa labas habang bitbit ang kani-kanilang mga gamit. May nag-iiyakang mga bata at walang tigil sa pagpapatahan ang kanilang mga magulang. May nakaparadang fire truck sa patyo at ang dambuhalang hose ay dahan-dahan nang inililigpit ng mga bombero. Ang pang-apat na palapag kung saan sila namamalagi ni Kyle ay siyang tinupok ng apoy.
Agad na hinanap ng mga mata niya ang kaibigan. Sa 'di kalayuan ay nakita niya itong nakapangalumbaba sa loob ng abandunadong talyer. Ang bigat-bigat ng mga paa niyang humahakbang patungo sa direksyon nito. Parang pinipiga ang puso niyang makita itong abang-aba.
"Ky..." mahinang tawag niya.
Kyle looked at him wearing his painful smile. Kaagad niya itong niyakap ng mahigpit upang iparamdam ditong m
