سراب الموت

الفصل الخامس

أما عن ذاك الذي يكاد عقله يُجن من إفراط التفكير ، إتخذ قرار بنسيان ما حدث بالأمس لكن بائت محاولته بالفشل .

هو أمر مُرعب لا شك في ذلك ، ذاك العجوز وحديثه المُبهم عن الأمانة التي تحدث عنها ، عن حبه وعلاقته بـ ليلى ، كل شئ كان مُبهم يثير الرعب والقلق ، منذ أن حضر إلى عمله وهو على هذه الحال التي لا يُرثى لها ، أفاق أخيرًا من شروده على صوت أحدى زميلاته في العمل .

سلمى : يا زين ، زين ؟؟

أنتفض من وضعه وكأنه أُصيب بلدغه عقرب مميت : أيوه ايوه فيه إيه ؟؟

تلك الطريقه التي وضعت التوتر على تصرفات سلمى فتحدثت : إيه؟!

لا لا مفيش حاجه ، بس المدير باعت ليك الأدوية دي وبيقول امضي بالاستسلام .

تن*د زين محاول السيطره على أعصابه فـ أجاب : حاضر ، بعتذر يا سلمى آسف .

سلمى : ولا يهمك حصل خير ، بس مالك ؟؟

في حاجه حصلت معاك ؟؟

زين : لا ولا حاجه تعبان شويه بس مش أكتر .

سلمى بمرح : اممم ، تعبان ولا متخانق مع الحب ؟!

إبتسم زين على حديثها فـ أجاب : قصدك ليلى يعني ؟؟

سلمى بمكر : ايه دا هو في حد تاني غيرها في حياتك ولا ايه ؟؟

زين : لا يا ستي مفيش حد ، بس لا مش متخانقين ولا حاجه ، هو بس إرهاق مش أكتر .

سلمى : الف سلامه عليك يارب ، طيب مش ناوي تخلص بقى كده وتفرخونا أنت وليلى ولا الموضوع مطول ؟!

زين بشرود : حتى إنت كمان ؟؟

نفس الموضوع اللي امي مكلماني فيه قبل ما اجي ، لكن أعمل إيه يا سلمى ، ما انت شايفه الحال والوضع .

لو عليا أنا نفسي اتجوزها دلوقت حالًا ، لكن أعمل إيه بس ، أهو ربنا يسهل وبدور على شغل كمان اخر اليوم يساعد شويه في المصاريف .

سلمى : مقدره وفاهمه جدًا والله ، إن شاء الله تنحل ، بقولك إيه ؟!

ايه رايك تشتغل في صيدليه اخر اليوم من الساعه اتنين العصر للعشا كده ، يعني بعد ما بنخلص شغل هنا في الشركه ، ايه رايك ؟!

زين بفرحه : يااااه والله ياريت جدًا والله ، بس هو فين الشغل ده ، أنا تعبت لف على شغل من غير فايده .

سلمى : عشان إنت والدتك بتحبك الموضوع جالك لحد عندك ، بص هو إمبارح وانا مروحه كنت قريت اعلان على صيدليه طالبين فيه شاب للعمل ، الصيدليه إللي على أول الشارع دي اكيد عارفها .

زين : اه اه اكيد عارفها .

سلمى : ممكن تروح دلوقت بسرعه تشوف الموضوع كده ، وإن شاء الله يكون فيه الخير ليك.

زين بتردد : بس والشغل ؟!

سلمى ببتسامه : أنا هعمله مكانك ، أنت بس بسرعه الحق شوف الموضوع .

زين بـ إمتنان : ربنا ما يحرمني منك يارب ، جميل مش هنساه والله .

سملى: مش تقول كده إحنا إخوات ، بسرعه بس عشان مش نتأخر .

زين مغادرًا : حاضر ، سلام لأجل .

سلمى : سلام .

بالفعل غادر زين المكان سريعًا متجه حيث أشارت سلمى ، بقلبه شئ من الفرح مصحُوب بالتردد ، تمنى أن تكون تلك الوظيفه من نصيبه ، هو حقًا في حاجه ماسه الى عمل اضافي حتى تتحسن احاوله ولو القليل .

اما عن سلمى فـ بالفعل بدءت بإنهاء اعمال زين دون مضض ، حاولت إنهاء الأمور سريعًا قبل أن يعود المدير أو أي شخص من الاداره .

… … … … … … …… … … … … … … … … … … … … … … … … … … …

وصلت اصالة بصحبه يوسف إلى مقصدهم ، أصبح اثنتيهم في ذاك المكان العريق ، آلاف الكتب المتنوعه ، القديم منهم والجديد ، الواقعي منهم والخيالي .

هُنا كل الاشياء متاحه تقريبًا ، هُنا في منطقه سور الأزبكية لا وجود إلا إلى أولئك الذي سيطر عليهم شغف القراءه والولع بالكتب .

بدءوا في تفقد الكتب والمكاتب واحده تلو الأخرى ، الباعه الجائلين ، تفقد كل شئ له علاقه بالكتب في هذا المكان .

يبحثون عن شئ محدد قد أتوا هُنا خصيصًا له ، غرضهم الأول والأخير هو البحث عن أي شئ له علاقه بما يحتويه الكتاب الذي مع يوسف ، أي شئ له علاقه بـ السرداب المذكور .

يبحثن هُنا وهناك ف ي جُل أرجاء المكان ، يبحثن بلا توقف في مئات وآلاف الكتب ولكنـ ولكن للأسف بلا أي جدوى ، لا شئ لا فأئده لا معلومات اضافيه لا وجود لأي شئ له علاقه بهذا الموضوع من الأساس ، لا وجود لكتاب ذكر هذا المكان الغريب .

تن*د يوسف تنهيده اليأس تلك ، ذاك اليأس الذي بدء تسرب إلى قلبه قائلًا : مفيش حاجه ، مفيش فايدة ، مفيش أي معلومة عن السرداب .

اصالة بحزن : أنا تعبت وفعلًا كل التعب على ولا حاجه ، تقريباًادورنا في كل مكان هنا لكن مفيش أي حاجه .

جلس يوسف أرضًا بتعب وضح جليًا عليه ثم أجاب : كان آخر أمل ليا هو هنا ، كنت بقول أن هنا هلاقي حاجه ، لكن مفيش ، مفيش أي حاجه ، أنا تعبت مش بقيت قادر .

اصالة بحنان : أهدى ، إن شاء الله خير ، مبقاش فيه إلا المكتبه إللي هناك دي يمكن نلاقي فيها إللي بندور عليه .

يوسف بسخرية : يعني بعد ما دورنا في كل الأماكن هنا ومش وصلنا لاي حاجه هنلاقي في المكتبة القديمة إللي هناك دي؟!

دي شكلها من أيام الفراعنة يا اصاله ومحدش بدخلها .

اصالة : يوضع سره في أضعف خلقه ، مش هنخسر حاجه لم نروح ندور هناك ويبقى من جمله التعب اللي تعبناه .

يوسف بإ ستسلام : حاضر يا اصاله يلا .

اصالة ببتسامة حانيه : يلا يا سيدي خليكي تعبني وراك كده .

يوسف بمكر : يعني أو مش تعبتي ليا ، هتتعبي لمين يعني ؟؟

اصالة : مثلا يعني؟

يوسف : يارب يديمك ليا يا ست البنات يارب .

اصالة : ويديم وجودك في حياتي امين .

… … … … … … … … … … … … … … … … . ً .… …. … … … … … … …

وصل زين إلى تلك الصيدليه التي أعلن صاحبها عن إحتياجه إلى شاب للعمل ، تن*د بهدوء محاول إلتقاط أنفاسه وترتيبها ومن ثم دلف ببتسامتة .

السلام عليكم ورحمه الله وبركاته .

خرج رجل خمسيني من خلف تلك البترينه المتواجده ثم تحدث : أهلا وسهلا بحضرتك .

زين : أنا يا فندم كنت جاي لحضرتك عشان الوظيفه إللي تم الإعلان عنها .

:- اهلًا وسهلًا بيك ، تشرف أكيد ، حضرتك بتفهم في الادويه وكده ؟؟

:- اه يا فندم ، أنا شغال في شركه الادويه اللي موجوده في اخر الشارع هنا .

:- جميل جدًا ، وانت اكيد عارف المواعيد هنا من امتى لـ امتى؟!

:- اه يا فندم قرءت اللوحه اللي متعلقه بره دي ، أنا يا فندم يخلص شغل في الشركه الساعه واحده ، وإن شاء الله هكون مع حضرتك في المعاد المطلوب .

:- طب وانت مش شايف أن الموضوع هيكون متعب ليك ، انك تشتغل في الاتنين مع بعض ؟!

:- لا يا فندم إن شاء الله مش يكون متعب ، وإن شاء الله اكون في مقدار المسؤليه لو حصل ليا الشرف وتم قبولي هنا .

:- تمام ، وانا اتشرف بوجودك في هنا ،واكيد بالمرتب اللي تتمناه يا زين ، انت شكلك لسه شاب وعايز تجهز نفسك .

توقف زين للحظات محاوى إستيعاب ما إذا كان ما سمعه بالفعل ام انه يتخيل ، كيف أن عرف اسمه ؟!

زين :- شرف ليا يا فندم ، بس هو حضرتك ناديت ليا بـ أسمي ، هو حضرتك عرفت اسمي من فين ؟!

الرجل بتوتر : لا لا عادي ،ما أنا بشوفك بتروح الشركه واعرف اسمك يعني ، المهم مرتبك خمس الاف كويس ؟!

زين بصدمه : خمس الاف ؟!

دا كل تلت شهور ولا ايه ؟!

حضرتك بتقبض كل تلت شهور ؟!

:- لا ، انا قصدي خمس الاف في الشهر الواحد .

حاول زين إستيعاب ما قاله للتو فأجاب : حضرتك بتقول خمس الاف جنيه في الشهر الواحد؟!

:- إيه ، لو شويه ازود ليك عادي ، أهم حاجه عندي في الشغل راحه إللي شغال عندي في المقام الأول والأخير ومن ثم أمانته في شغله وإلتزامه وانا حبيتك مقدمًا ، أو زي ما بيقولوا سيماهم على وجوههم .

زين بفرحه لا توصف : لا لا ، مش شويه خالص ، أنا مش عارف اقول ايه بجد ، لكن حقيقي مش هخيب ظن حضرتك أبدًا ، إن شاء الله اكون في مقدار الثقه العظيمه دي .

:- وأنا واثق في ده .

:- طيب أنا أقدر أستلم الشغب امتى ؟!

:- من بكره .

:- تمام جدا ، أنا هكون عند حضرتك قبل المعاد أكيد ، شكرا جزيلا على الثقه .

:- ولا شكر ولا حاجه في إنتظارك .

:- في امان الله .

:- سلام .