Paglabas namin sa elevator may dinukot siya sa bulsa niya. Isang panyo.
"Anong gagawin mo?" natatawang tanong ko nang pumwesto siya sa likod ko at takpan ang mata ko gamit ang panyo niya.
"Just trust me, hmm?" bulong nito sa tainga ko na nagpatayo ng mga balahibo ko sa batok.
Maya maya ay sumalubong sa akin ang malakas at malamig na hangin. Ilang sandali akong nakiramdam sa paligid hanggang sa dahan-dahan nitong inalis sa pagkakabuhol ang panyo at napamaang ako nang tumambad sa akin ang paligid.
Nandito kami sa rooftop. May napakalaking hugis puso na gawa sa mga pulang petals ng rosas at nasa gitna nito may naghihintay na table for two at may mga nakahanda na ring pagkain. Maraming kumikinang na ilaw ang nagkalat sa paligid pero mas napukaw ng atensyon ko ang magandang paglubog ng araw
