Chapter16. Third wheel!
1726 Words
“Zai.”
“Bakit?”
“Let's hide for a moment.” Hinatak ako ni Aida papunta sa isang malaking puno kung saan hindi kami basta-basta makikita.
“Bakit ba? May nag-aabang ba sa iyo sa labas?” takang tanong ko. “Do I need to call the security?”
Kinurot ako ni Aida sa tagiliran kaya bahagya akong napangiwi. “Ano ba, Aida! Ang sakit naman ng kurot mo!”
“Tumingin ka sa banda roon. Doon sa mismong sasakyan ng daddy ninong mo, Zai.”
“Ha? Nandiyan siya?”
"Oo!"
"Ba't kailangan ko pang tingnan, eh, palabas na rin naman tayo?"
“Basta!”
Kagaya ng sinabi ni Aida ay mabilis nga akong tumingin sa direction ng kinaroroonan ng sasakyan ni daddy ninong.
Talaga palang hinintay niya ang oras ng paglabas ko. Ang tiyaga niya talaga.
Nakabukas ang bintana ng sasakyan ni daddy ninong kaya kitang-kita ko na may babaeng nakaupo sa passenger seat habang si daddy ninong naman ay nakaupo sa driver seat.
Sumama bigla ang timpla ng mukha ko nang makita ko na may ibang tao na nakaupo sa puwesto ko.
“Siya ‘yong babaeng kasama rin ni daddy ninong mo na nakita natin sa restaurant, ‘di ba? Siya ‘yon at hindi ako p'wedeng magkamali, Zai."
“Siya nga,” pagkumpirma ni ko.
“So, may girlfriend na nga talaga ang daddy ninong mo?”
“Hindi ko nga rin alam, eh.”
“Ahm, sasabay ka pa ba sa kanila? Hindi kaya maging third wheel ka lang?”
“‘Yon na nga rin ang iniisip ko, eh,” matamlay kong sagot kay Aida. “Paano na kaya ‘to? Ayaw kong sumabay sa kanila, Aida.”
“Kung gano’n, sumabay na tayo sa karamihan palabas para hindi tayo mapansin ng daddy ninong mo, Zai. Sa amin ka na lang kaya sumabay? Gusto mo ba? Idadaan ka na lang namin sa bahay ninyo.”
“Sigurado ka bang hindi niya tayo mapapansin kapag sumabay tayo sa karamihan?” paniniguro kong tanong lalo pa’t nakatingin mismo si daddy ninong sa mismong exit. “Kapag nahuli niya tayo ay tiyak na mapapagalitan ako, Aida. Sigurado akong pagagalitan niya ako kahit may ibang tao kaming kasama.”
“Hindi naman tayo magpapahuli, eh,” ani ni Aida sabay abot ng facemask sa ‘kin. “Tig-isa tayo. Imposible naman na makilala pa tayo kung pareho tayong may suot na facemask.”
“Alam mo, mas lalong magtataka talaga ‘yon dahil tayo lang ang kakaiba,” ani ko kay Aida at ibinalik na lang ang facemask na ibinigay niya sa ‘kin. “Tayo lang talaga ang may suot na facemask, Aida.”
“Ay talaga ba?"
“Tumingin ka nga sa paligid kung may nakikita kang nakasuot ng facemask?”
“Oo nga, ‘no? So, ano’ng plano? para hindi tayo makilala? Ano'ng gagawin natin?”
Huminga muna ako ng malalim bago ko hinatak si Aida palabas sa malaking puno kung saan kami nagtatago. “Hayaan mo na kung makita niya tayo.”
“Ha? Sigurado ka ba?”
“Sigurado naman kasi ako na kapag napansin niya na wala na ako rito ay baka…”
“Baka ano?”
“Baka una niyang puntahan ang bahay n’yo at hanapin niya ako roon, Aida. At kapag minalas-malas ay baka awayin niya pa pati ang mga magulang mo dahil alam niya na tayong dalawa ang laging magkasama.”
“Oo nga, ‘no? So, ano na ang gagawin natin ngayon? Magpapakita na lang ba tayo sa daddy ninong mo kahit kasama niya ang girlfriend niya?”
“Ano pa nga ba?”
“Sure ka? Okay lang sa iyo?”
“Wala naman akong magagawa kahit ayaw ko, eh,” sagot ko. “Tara na, Aida.”
“Okay.”
Huminga muna ako ng malalim bago ako humakbang patungo sa kinaroroonan ng sasakyan ni daddy ninong.
Eksakto naman na paglabas namin ni Aida ay kararating lang din ng sundo niya kaya naman kumaway na lang kami sa isa't isa bago siya pumasok sa sasakyan nila.
“What are you waiting for, Zairyle?” tanong ni daddy ninong sa akin habang masama ang hilatsa ng mukha niya. “Get in.”
Hindi ako sumagot. Sa halip ay sumakay na lang ako sa backseat. “What were you and Aida talking about behind the tree?”
“Huh?”
Akalain mo ‘yon, nakita niya pala kami kanina?
Kung nagkataon pala na ginawa namin ang gusto ni Aida ay siguradong mahuhuli rin pala agad kami at ang malala pa ay baka magmukha lang kaming mga tanga.
“I saw you and your friend talking behind the tree. Are you two planning to escape?”
“Po?”
Nakita ko kung paano ako tingnan ng masama ni daddy ninong mula sa rearview mirror ng sasakyan niya. Doon din kasi ako nakatingin kaya alam ko.
“Dont act as if you don't know what I'm talking about.”
“Honey, ‘wag mo nang pagalitan ang bata,” singit ng babae na nakaupo sa passenger seat. “Malay mo naman tungkol sa pag-aaral ang pinag-uusapan nila kanina. ‘Wag mo nang pagalitan ang bata dahil kawawa naman.”
Honey? So, confirmed na nga na girlfriend ni daddy ninong ang babae? Napapadalas na kasi ang pagsasama nila ng babae, eh.
Isa pa, ngayon lang din siya nagpaupo ng ibang tao sa passenger seat dahil ako ang madalas na nakaupo sa puwestong ‘yon simula noon hanggang kaninang umaga.
“Hindi ka ba sasagot, Zairyle?”
Nilingon ako ng babaeng nakaupo sa passenger seat.
Ang bigat ng loob ko sa babae kaya kahit nakangiti ito sa akin ay hindi ko magawang gantihan.
Bagkus ay, tumingin na lang ako sa labas ng bintana.
“Zairyle, I'm talking to you!”
“We were just talking about the upcoming vacation,” tamad kong sagot kay daddy ninong habang sa labas ng bintana ako nakatingin.
“What? Did your parents allow you? Did I allow you?”
“Hindi ko kailangan magpaalam sa ‘yo.” ‘Yon sana ang isasagot ko kaya lang ay baka baka bulyawan niya ako.
“Hon, calm down,” pagpapakalma ng babae sa daddy ninong ko. “Saka mo na lang siya kausapin kapag kalmado ka na.”
Napairap na lang ako sa kawalan. Nagsisisi ako na sumabay pa ako sa dalawang ‘to. Nakakainis!
Habang nag-uusap ang dalawa ay nananatiling nasa labas ng bintana ang atensiyon ko.
Ang daldal ng babae sa totoo lang dahil halos lahat ng nangyari sa buhay nito sa nakalipas na sampung taon ay ikinukuwento pa nito kay daddy ninong.
“Hon, I'm hungry,” maarteng sabi ng babae kay daddy ninong. “Can we go to our favorite place?”
“Okay,” matipid na sagot ni daddy ninong dahilan para madagdagan ang inis ko.
“Daddy Ninong, ihatid mo po muna ako sa bahay bago kayo pumunta sa kung saan," singit ko.
“Ha? Ayaw mo bang sumama sa amin?” tanong sa ‘kin ng babae.
“Ayaw ko,” sagot ko.
“Magugustuhan mo ang mga pagkain doon, Zairyle,” sabi pa nito. “Sumama ka na sa amin. Hindi naman tayo magtatagal, eh.”
“Ayaw ko nga,” sagot ko na bakas sa tono ko ang pagkainis. “Sa bahay na lang ako kakain.”
“Don't talk to her like that, Zairyle,” sita ni daddy ninong sa ‘kin. “Is that a proper way to talk to an elder?”
Hindi ako kumibo.
“You're going with us and that's final,” pinal na sabi ni daddy ninong kaya naman sirang-sira na talaga ang araw ko ngayon.
Alas-singko na ng hapon nang makarating kami sa sinasabi ng babae na paborito raw nilang kinakainan ni daddy ninong.
Malayo lagi ang distansiya ko sa kanilang dalawa dahil ayaw ko silang makita ng malapitan o makausap man lang. Naiinis ako sa kanilang dalawa.
Nakaupo na sila sa pinili nilang puwesto kaya umupo na rin ako pero hindi sa tabi nila kun'di sa ibang upuan malayong-malayo sa kanilang dalawa.
“Zairyle Anne, what the hell! Come here!”
“Dito na lang ako, Daddy Ninong,” pagmamatigas ko. “Kayo na lang po riyan.” Ayaw ko silang makasama sa iisang lamesa. Naiinis talaga ako sa pagmumukha nilang dalawa.
Palibhasa, pareho silang gurang kaya nagkakasundo sila.
“Zairyle Anne, what do you want to eat?” tanong ni daddy ninong sa akin dahil nasa harapan na nila ang waiter at tinatanong na sila kung ano ang o-order-in nila.
“Ako na ang bahala sa sarili ko, Daddy Ninong. ‘Yong sa inyo na lang ang order-in niyo,” walang gana kong sagot.
Kitang-kita ko kung paano tumaas ang kilay ng babae kaya naman napairap din ako.
“Maputi ka lang pero hindi ka maganda,” mahinang bulong ko.
Hindi nakatiis si Daddy Ninong sa pagmamatigas ko kaya nilapitan niya ako. Ibinigay niya sa akin ang listahan ng menu. “Pumili ka na ng gusto mo,” sabi ni daddy ninong sa akin sa mababang tono.
“Ito lang,” sagot ko sabay turo ko sa halo-halo. Ayaw kong kumain ng kanin. Gusto kong kumain ng malamig baka sakaling lumamig din ang ulo ko.
“Um-order ka pa ng iba. Do you want to eat barbeque? Roasted Chicken? How about pork adobo?”
“Ayaw ko. Okay na ‘yan. Halo-halo lang."
“Come on, baby. Order something that can fill you up.” Kanina nagagalit siya sa akin tapos ngayon naman naglalambing siya. “Gusto mo ba ng may sabaw?”
“Sige,” kunwa'y napipilitan kong wika. Nang makuha ng waiter ang order namin ay umalis na rin agad ito.
“Get up. Let's eat at just one table.”
“Dito na lang po ako, Daddy Ninong. Okay na po ako rito.”
“Please, baby? Don't be hardheaded. Don't make me mad. I don't want to be mad at you.”
Napabuga ako ng hangin bago ako napilitang tumayo. Hinawakan niya ang kamay ko at iginiya sa napili nilang pwesto.
Magkaharap si Daddy Ninong at saka ‘yong babae habang ako naman ay nasa gitna nila.
Kung titingnan ay para akong isang malaking sagabal sa moment nilang dalawa.
Isinama-sama pa kasi ako rito gayong hindi naman ako masyadong gutom.
- Writer
