TINATAMAD na nag-inat si Gabrielle. Hindi muna siya dumilat. Medyo mabigat ang pakiramdam niya. Nais muna niyang manatili sa higaan. Niyakap niya nang mahigpit ang isang malambot na unan. Nangunot ang noo niya nang rumehistro sa isip niya ang kakaibang bango niyon. Hindi ganoon ang amoy ng unan niya. Hindi amoy-Agila. Pinakiramdaman niya ang kumot at sapin ng kama. They were not made from pure, organic, unbleached cotton. The bed she was lying in was very comfortable but she was sure this was not her bed.
Bigla siyang dumilat at luminga-linga sa paligid. Nasa isang hindi pamilyar na silid siya. Panic started rising. Hindi niya alam kung paano siya napunta roon. Natutop niya ang kanyang noo at naramdaman niya roon ang gasa at plaster. Noon niya naalala ang nangyari sa kanya nang nagdaang
