"ANGELINE, aayain din sana kita sa birthday ko bukas."
Pabalik balik ang natataranta at nahihiyang tingin ko mula kay Archie na nagsasalita pa rin kahit hindi ko na napapakinggan at kay Senyorito Raphael na papunta na ngayon sa direksyon ko.
Nakahawak pa rin si Archie sa braso ko.
Hindi ko tuloy alam kung bakit ako naiilang at natataranta dahil lang sa presensya ng Senyorito, siguro dahil ayokong makita niya na parang nakikipagharutan ako sa kung kani-kanino rito, ayokong pumangit ang tingin niya sa 'kin, o dahil din sa alam niya ang mga makukulit na kwento ko tungkol dito sa ex boyfriend ko.
Ewan ko ba kung alin doon!
"Punta ka, doon ko gaganapin sa sinasabi mo sa 'kin na magandang lugar noong tayo pa." Dugtong na naman ni Archie.
Doon na ako napatagal ng tapon ng atensyon sa k
