“KUNG ayaw mong sirain ko ‘ting pinto na ‘to, Eric, sabihin mo na lang sa akin kung nandiyan ba si Temyong sa loob dahil may kailangan kaming pag-usapan,” ani Six na kanina pa naiinip sa pakikipag-bargain kay Boy.
Hindi niya pinababa sina Lucas sa sasakyan dahil baka mamaya ay masalisihan sila ng lalaki. Hindi niya rin naman inaasahan na makikita niya si Eric na dating pinagkautangan niya ng loob sa isang kaso noon pa.
Wala lang talaga sa loob niyang magkikita silang dalawa sa ganitong pagkakataon.
“Sinabi nang hindi nga ako si Eric. Boy na nga ang pangalan ko. Simula noong matapos ang pagtulong ko sa ‘yo, binago ko na ang pangalan ko,” nakukulitang paliwanag nito sa kanya. “At saka, iyong hinahanap mo, wala rito. Umalis. Hindi nga namin alam kung saan pumunta.”
“Kasama ka sa sunog
