KAHIT sinong pumapasok sa bahay ni Six ay talaga namang namamangha sa interior design nito at hindi nakaligtas doon si Boy. Napamaang pa siya nang makita ang chandelier na nakasabit sa gitna ng sala.
Ngayon lang siya nakakita noon sa personal. Kapag kasi nakikipagkita siya sa mga parokyano niya sa pagtutulak, hindi naman na siya pinapapasok ng mga ito sa loob. Nakikita niya lang sa labas kung gaano kalalaki o kaliliit ang bahay ng mga ito.
Si Six lang ang kauna-unahang nagpapasok sa kanya sa tahanan nito. Kahit sina Saul at Steve ay hindi iyon ginawa sa kanya. Si Temyong naman kasi ay napilitang patuluyin sila sa bahay nito dahil napakalayo ng tinutuluyan nila sa bagong gawang bahay nito noon.
“Have a seat.” Naunang umupo si Six sa isa sa mga single seater sofa nito. Kahit alanganin
