ISANG minimalistic two-storey house ang tumambad kina Gaia at Tristan na nauna nang bumaba sa sasakyan dahil may pinag-uusapan pa ang tatlo sa loob. Narito na sila sa gate ng bahay ng pinsan at papasok na sana sa loob nang makita nila ang dream house nilang dalawa na naging makatotohanan na.
Nakanganga ang dalawa habang tinitingnan ang kasuluk-sulukan ng bawat detalye ng bahay na iyon.
“Bakit hindi ganyang bahay ang binili mo?” tanong ni Gaia habang nakatingin pa rin doon.
“Sa palagay mo ba keribels ng budget ko iyong ganyan ka-shalang bahay?”
“Bakit hindi mo sinabi na nagkatotoo na pala iyong dream house natin? Nasa tapat pa talaga ng bahay mo, ah.”
Nilingon siya ni Tristan an lukot ang mukha. “Sinabi ko na kaninang isa o dalawang beses nga lang ako nagpupunta rito. Kung sakali
