“SIGURADO ka na ba talagang nakakaalala na si Gaia?” tanong ni Jessie kay Tristan na kausap nito sa telepono.
“Opo, Pa. Siya mismo ang nagsabi sa akin pero syempre, hindi niya naman talaga alam kung ano ‘yong tunay na nangyari kay Tita Amor kaya no’ng magtanong siya, wala akong ibang choice kudi sabihin sa kanya kung ano ba talaga ang nangyari base sa mga kwento mo sa akin noon. Hindi ba’t ‘yon naman talaga ang totoo? Pinatay ni Temyong si Tita?” tugon nito na nakahiga na sa kama. Malalim na ang gabi nang tumawag ang ama ngunit hanggang ngayon ay hindi pa rin niya malaman kung ano ang rason nito sa pagtawag sa dis oras ng gabi.
“Oo. Nandoon ako noong naliligo na sa dugo si Ate at walang ibang gagawa noon kundi si Temyong lang.”
“Pero bakit n’yo ako tinawagan ngayong gabi? Kanina pa ak
