PINABAYAAN na muna ni Lucas ang mga staff niya sa baba habang nag-iisip siya kung sasabihin ba sa tatlo ang tungkol sa assignment niya kay Gaia dahil kailangan niya talaga ng tulong. Hindi siya pwedeng magsabi kay Landon dahil paniguradong malalaman ni Six na may lihim siyang binabalak.
Ilang oras na siyang nagpapaikot-ikot sa swivel chair pero wala siyang ibang maisip kundi ang maghanap ng mga tutulong sa kanyang magmanman sa step-father ni Gaia. Kanina pa siya nakatingin sa website ng Diamond Empire Building pero walang pumapasok sa utak niya.
Inalala niya pa ang napanaginipan niya kagabi. Siguradong-sigurado siyang narinig niya na ang parehong boses na iyon dati pero hindi niya lang alam kung saan. Hindi niya alam kung saan siya nakakuha ng lakas na buksan ang mga mata. Pasalamat na
