Unedited
“May naghihintay ka pang pasyente sa labas, Luis. Lalabas na muna ako,” nakayakap pa ring saad ni Sophia.
Pinakawalan siya ni Luis at hinawakan ang dalawang niyang kamay. Hinila siya nito saka pinaupo sa swivel chair ng lalaki. Umupo naman si Luis sa isang maliit na stall na para sana sa kasama ng kanyang pasyente.
“Dito ka lang sa tabi ko. Para kapag namiss kita, agad kitang makikita kasi nasa tabi lang kita.” Sabay ngiti.
Pinapasok na ni Janah ang isa sa dalawa pang natitira niyang pasyente. Nakangiti lang ang mga ito nang makita si Sophia sa tabi ng doctor.
Alas sais y medya na nang matapos si Luis sa pag-examine sa dalawang natitira niyang pasyente. Pagkatapos magligpit ng kanyang sekretarya, nagpaalam na rin ito na mauuna na sa kanila.
“Deretso uwi mga bata. Wala nang
