“Mukha ba akong mabilis magpaloko?” taas kilay na bulong niya sa lalaki habang si Aling Susan ay malapad ang mga ngiting nakatingin sa kanila habang binubuksan ang malaking sako bag.
“Naku, ang sweet ninyo tignan na dalawa. Natutuwa akong malaman na sa wakas ay may nagpapasaya na sa iyo, Engineer at hindi ka na mag-iisa,” natutuwang sabi ni Aling Susan sa kanilang dalawa kaya’t hindi natuloy ang pagpapaliwanag kung sana ni Major sa naging sagot niya.
“Ay naku, ito kasing nobya ko ay natural na malambing at laging gustong dumukit sa akin kaya’t pagpasensyahan ninyo kung dikit na dikit kami sa isa’t-isa,” nakangiting sabi ni Uncle Leon kaya’t hindi niya maiwasang kurutin ang tagiliran nito.
“Aray!” daig ng lalaki dahilan para mapalayo siya rito.
“Oh, ano nangyari, Engineer?” nag-alal
