قلوب تائهة

الحكاية الاولى ج٤

اريد الله يسامحني لأن اذيت نفسي هواي ،طيبة گلبي اذتني تعبتچ ياروحي هواي..

كانت اغنية مشتغلة بالراديو مال سيارة مااعرف شون نزلت دموعي وإني اسمعها ...فعلا اغنية تنطبق علية اني حيل اذيت روحي حيل قصرت وياها..

حيل هملتها ..هملتها وإني اهتم وأسعد غيري ع گد مافرحت ع گد ماضجت من حدية سرمد ويايا..حسسني بالاذلال مرة ثانية ...

صار خمس شهور هاملني بس وكت ماشافني كال لا انتي من ظمن املاكي ميحق الج تكونين سعيدة ومرتاحة ،دگت عبير بنية وياي بالكروب..

دتسال ليش عفتهم..وطلعت..

زمن: الوووو...

عبير: زمن ..وينج..

زمن : راجعة للبيت..

ولج ليش مو اتفقنا روح سوا للسوگ ..ونتغدة.

زمن: اعذروني ...الجهال صار هواي مگاعده وياهم ع صفرة وخالاتهم عدهم مشاغل..ع مرة ثانية..سمعت صوت مروة بنية ويانا تگلها اساليها من هذا الحلو الي لحگج هو وصاحبة..

اخذت نفس وضحكت...

هههههه، گوليلهة هذا المحروس ابو الجهال..وصديقة..

مروة : لا ..بشرفج هيج حلو وثگيل..

زمن: هااا..مروة بديتي تزحفين ع الرجال..من غير شي كاطعها من الرئيسي ..

لاحبيبتي احنا مناخذ شركاء صديقاتنا بس اذا حبيتي نضبطة الج تدللين.

زمن: هههههههههه ،اي حلو ظبطو ..

وصلت لبيتنا شفت سيارة سرمد ..اخذت نفس اهوووو..

عبير: هااا شبيج زمن..

سرمد هنا...

صدك والله...

زمن: اي والله..ممسويهة قبل..

اني اعرف الجابة شنو ..يلا عالعموم ..ابدل واتغدى والتواصل وياكم وات ساب..

عبير: ماااشي..خليج هادئة...

إن شاء الله..

فتحت الباب وشفت عمر وعلي وسرمد كاعدين وسرمد عيونة تطير شرار..

سديت مكالمتي ويا عبير..

ودخلت سلمت وفتت ..

مشيت صاح سرمدعلية..

زممممن..تعالي هنا..

زمن: هااا..خير شكو..

سرمد: سألتج سؤال ومجاوبتيني انتي من يمتة تمشين ويا هيج نوع بنات..

زمن: شبيهم ..وبعدين تعال گلي انت شنو دخلك..

سرمد: زممممن ..هاي اخر مرة اشوفج تمشين ويا ذولة الجماعة والا قسما عظما..

زمن: لا تحلف ودام واگف واخوتك يمك موجودين صار خمس شهور متعرف هذا البيت شصاير بي..جهالك شمحتاجين ..

هسة ذكرت ..اوگف مكانك ولاتهدد..

واذا عندك شي فاأني خل اگلك شغلة اني مااريد ابقى ع ذمتك دام انت مجلب بهذا الخيط فاأني من باجر رافعة دعوى طلاگ..

عمر: زمن ،سرمد استهدو برحمانكم يمعودين...

سرمد: هو هذا العلموج يا الشلة الملمومة عليها ..

زمن:ههههه..لا وانت الصادگ ..سوالف مرتك الي ناس تحجي عليها..

سرمد: زمن...زمن..زمن ...

طلگني..طلكني وانهي هذا الارتباط السخيف..لو اني اخلعك..

سرمد: لاانتي عقلج طافر بمكان ثاني...

زمن: عمري مكنت عاقلة گد هالوكت..

سرمد: تعالي أحجي وياج..

زمن: خلص الكلام البينا من زمان..

ياولد من رخصتكم ..اني بغرفتي لحد مايطلع من البيت..

لحظات مانعرف شون الكلمات تطلع من لسانة،شلون نگدر نمثل القسوة ع الناس النحبهم تمنيت اجرحة واذي ع گد ماجرحني واذاني..

نفسي ارجعلة جزء من حرگة گلبي الي تركة بدون مايطفي..وهسة جاي يريد يتحكم ويصير سي السيد مثل ميگولون ..

هسة صار وقت خلص ادوس ع كلبي وامشي مصلحتي فوگ الكل..

دخلت للغرفة باوعت ع روحي جكد تغيرت حجيت حجي هواي مااهتميت اذا اولادي أو خواتي يتاذون بسببة..

مراحل بحياتنا تموت بس يبقى ذكراها مولم وعسير ،ننسى ذكريات تعبنا سهرنا حبينا هيج بلحظة تنتهي بنكران الناس الي جنا نتأمل نعيش وياهم..

مرات صدگ ودي ابجي أو انزل دمعة بس اكو قوة داخلي تمنعني..

بدلت ملابسي وغفيت ع سريري ..

سمعت صوت برة صوت زينة تصيح..

يو..هم تعاركت ويا زوجهة لازم تنحط حدود لهالشغلة..

طلعت لكيت سرمد دياخذ الجهال..

وزينة تجر بيهم..

زمن: شكو ..شكو شبيكم..

زينة: سرمد يريد يأخذ الجهال..

حضنتني وردة بنتي وحاولت استمد قوة عمود لايخافون ..

زمن: واذا اخذهم شنو يعني مو جهالة من حقة..

حسين,علي، وردة..كلمن يحضرلة جنطة

ابوكم رح ياخذكم ويا..فترة..

سرمد: بصوت ناصي..تحلمين تشوفيهم بعد....

زمن: هم ولدك انت ادرى لمصلحتهم..

هنا وگف سرمد متبسمر..

سرمد: يعني عادي جهالج يروحون من يمج ...

شكو عليهم انت ابوهم ..شيل شوي..

زينة تعالي انتي وسارة ..

سرمد..ميحتاج توصية تعرف جهالك وايمان مرح تقصر..

زينة: زمن شكاعد تسوين دزين جهالج..

زمن: زيييينة اسبقوني للغرفة..

النظرة الشفتهة بوجه اطفالي خلتني حيل أكره سرمد جان منتظر مني اصيح وانقهر واتاذى بس مخليت هالموضوع يأثر علية..

زمن: يااجهال...

حسين، علي ،وردة... باعو ماماتي اني وابوكم دنمر بمرحلة شوي اشكالات انتو مالكم علاقة بيهة لهذا خليكم دائما مماخذين موقف من احد ..

الي رح تعيشو مجرد مرحلة تعرفون ابوكم هسة يمل وترجعولي .

حسين:ماما..واذا اذتنا ذيج...

منو كللكم..

خ زينة گالت..هذيج اذا صرتو جوا ايديهة تاذيكم..

متكدرين ماما بابا موجود واذا صار واذتكم اني اخذكم ومااخليهة بعد تمس طارفكم انتو بس صيرو سباع ..

وتعالو بحضني حبايبي ..اعتصر گلبي ..ودي ابجي بس ماكو دموع ..متاذاية حيل ياربي ..انت حسبي ووكيلي..انصرني على من عاداني..يارب لاتخلي أحد يأذيني ويجرحني..

فات سرمد..كانو يگلي غيرت رأي ..بقيهم يمج ماامن ..

بس كل واحد لازم يتحمل مسؤولية أعماله..

وسرمد من خطة هالخطوة فكر بروحة وبس وراهن ع وفائي رح اظل مذلولة ومركونة ...

طلعو من گدامي وإني اخذت السويج وطلعت بالسيارة مو حمل أحد يعاتبني أو يسمعني نصائح .

شوي ودگت علية صديقتي دلال..رديتلهة جانت زينة مخابرتهة ..

انتي وينج زمن...

زمن: اني بالشارع .. دلال..

دلال: تعالي للبيت..

زمن: لا ...دلال مو مال اكعد وزوجج موجود بأجر الصبح نتشاوف هسة ضايجة شوي وارجع للبيت..

دلال: زمن ..دير بالج ع روحج..

زمن: ماااشي..

شفت روحي ضجت خابرت ع عبير كتلهة ضايجة متزوجة واحد متزوج وميجيهة بس يومين بالاسبوع..

گلت شوي ارتاح يمهة ..

خابرتهة ..كالتلي تعالي اني هم ضايجة..

عبير: هلا بزمنتي ..شونج حبي..

زمن: مو زينة ..كلش مو زينة ..عبير اني خسرت كل شي بيوم وليلة..

ليش خير شصار جديد ...

سرمد ..اخذ الجهال..

لا..والله صدك تحجين..

شبيج عبير اخذهم..وداهم يم ذيج ..

اني ماكاتلني غير صلافتها ابنهة شامرتة ع رجلهة وتربي جهال غيرها....

شفت عبير ورثت جگارة وكعدت تحجي..

عبير: حقج انتي تحجين هيج ،ماشاء الله عندج راتب وسيارة وبيت ..ماجربتي تنضربين تنطردين توالي الليل بالشوارع ولااخ يوگفلج ولا اهل..

ماجربتي طعم العوز وجهالج جوعانين..

احنا مانشمر جهالنا بطر ولامتعاجزين بس شون نعيشهم والي يزوجنا رح يتحمل ..يتحمل اولادنا اصلا الياخذنا جاي يرتاح من هوسة عائلتة وجهالة يربي جهال غيرة..

لاتخافين ..ميتحمل يومين ويجيبهم..

اجيبلج شي تشربين..

زمن: لا عبير شكرا مالي نفس..

براحتج....

تعرفين اني والبنات شفكرنا..

شفكرتو..

انطيني رقم زوجج سرمد واخلي البنات يضبطون رجلج وذيجة تضوگ المرار العيشتة الج..

زمن: عبير..مااريد اورطجن كلجن متزوجات خاف صير مشاكل..

لا ..معليج متصير مشاكل ولاتخافين منكلب وجهة للمحروس..

وانتي هم تلحلحي ..لازم تخلي يغار ويحترگ ..

زمن: شون؟

عبير : الشلون هاي بأجر نحجي بيهة گومي روحي لبيتج دنيا مغرب رح تصير..

زمن: ماااشي..

طالعت من عبير وكلة افكاري شون اسود عيشة ايمان مثل ماخسرتني سرمد وجهالي وصفو حياتي..

رجعت للبيت وحشة ..ماكو الجهال..بالعادة هيج وكت صوت الجهال وعراكهم وسرمد فاتح البلاي..

وزينة ماخذة ركن وشايلة ابنهة وبنتهة تركض حواليهم..

وهي تتعارك ويا عمر عالصغيرة والچبيرة..

وسارة وهدوءهة الي من يوم جانت صغيرة تگعد تگابل علي واشوف رومانسياتهم المتخلص ودائما ادعي بسري ادعيلهم ربي يديم حبهم ومحنتهم..

فجأة يتحول هذا الضجيج الي جنت مرات اتضايق منة وادخل غرفتي اكعد اقرا أو افتح لابتوبي ..

ويصيحوني فدوة زمن تعالي سويلنا چاي نسكافيه..

زمن: اووووف ..مالي كعدو بهالمكان..

افوت غرفتي ..بوقت متأخر ورة مالملم القصف العافو بالبيت ويجي سرمد يرتمي بااحضانة ساعات احس بعلاقة غريبة تربطني بي علاقة ام باابنها ..لهذا كانت رغبتي الة اسقاط فرض لااكثر عمري مااستمتعت ويا ..كل شي كان جدي..

فتحت الضوة ..الغرفة باردة ..مابيهة نفس..

دخلت الحمام..فتحت البوري ماي حار ..

وبعدين حسيت روحي تعبانة ..

بطلت اغسل..

ارتجيت ع سريري واسال روحي شكاعد يسون جهالي هسة..وايمان شونهة وياهم....

...................

سرمد: كنت شايط ومليانة گلبي بنار عصبية اول ماشفت زمن كاعدة ويا بنات شكلهم مامريح وعيونهم تفتر بالمكان وكاعدين يدخنون كلش انزعجت وضجت ممصدگ هاي مرتي ..شكاعد تسوي بروحهة وهي حسن گامت من مكانها دتروح باوعت ع لبسهة ..لا ..كلش متغيرة صح حليانة بس مو هي هاي زوجتي..

مسكت ايدهة حاولت اعرف شون وصلت لهالحالة تقربت الي شميت عطرهة حيل اشتاقيتلهة ..اشتاقيت لدفو بيتي ودلال زوجتي ..بس رفضها الي دائما خلاني اروح بعيد ..هي يمكن خائفة ع صفو البيت ومكانتها الاجتماعية اكثر مخايفة عليه دائما تصدني صح تعبتها هواي بس بعدين حبيتها حبيتها كلش ومو كادر اعبرلهة شكد هي مهمة بحياتي وشنو فقدت ..

يمكن تأخرت ..

حاولت اضغط عليها عمود ترجع لرشدها ..

اخذت الأطفال وشفت برودها لايكون هذولة الجماعة دلوها ع طريق ولكن غيري..

لا..لا..مستحيل زمن مو هيج..بس اني هجرتهة طبيعي تدور برة..

اني شگاعد أحجي..

استغفر الله..

استغفر الله..

باوعت بوجه اولادي ..كانت نفس الخيبة الحسيتهة لمن سلمتني زمن اولادها..

تعبانين ..ضايجين..كارهيني يمكن..

سرمد: بابا شنو رأيكم ..اخذكم لمطعم روح نتعشا ..

وردة: اي بابا ..صار هواي مطالعين ..

سرمد: حسين ،علي ..ها بابا نروح..

بكيفك ..

جايين تروحون غير مكان..

حسين: انت ليش تركت امي..شسوتلك..

سرمد: حسين بابا ..مشاكل الكبار انت لاتدخل بيهة..

اني مو صغير عمري ١١سنة..ودا اشوف امي ابد مغلطت بحقك ليش سويت بيهة هيج..

علي: حسين..ماما..كالت معليكم..

سرمد: وشگالت امكم بعد ..

دگ التلفون..

ايمان: الووو..

سرمد: هلو حبيبي..شونج..

ايمان: زينة ..الحمدلله ..شو اتاخرت مااجيتي عالغدا..امي هنا واخوية..

سرمد: رحت لبيتنا..

يااابيت؟

يعني يابيت ..بيت مرتي وجهالي.

ايمان: يعني انت يم زمن هسة من شوكت..

سرمد: شنو من شوكت ..اگلج معلينا من هالكلام اني طالع اني والجهال حضري الغرفة الصغيرة الهم...

ايمان: ليش رح يباتون..؟

سرمد: رح يبقون فترة يمنا..

شنووو..؟

وامي واخوية وين ابيتهم انت مگلتلي رح يبقون ويا امهم..

سرمد: هذا بيتي وذاك بيتي ..وجهالي يمتة مااجيبهم اجيبهم هذا بيتهم وبيت ابوهم..

ايمان: احنا مااتفقنا هيج..

سرمد: اني رح اتعشى ويا الجهال واريدج مثل مااستقبل امج واخوج تستقبلين الجهال..

ايمان: سرمد..شنو معناة هالحجي هم مطولين بالگعدة..

سرمد: مثل موصيتج ..باي..

سرمد..سرمد..خرب بالحظ..

ام ايمان: خير شكو..

مصيبة ياامي..مصيبة ..عود اني گلت ذيج المطفية مرح تفرط بجهالهة ..ذبتهم ع ابوهم و ح يجيبهم الي..

ام ايمان : هو گلج..

ايمان: الظاهر هيج...

غسان: شعبالج لعد ..ينسى جهالة ..حلم احلمي محد يعوف بزرة ..بس اكو حالات شاذة..

ايمان: يوووم ..ابنج گام يذب حجي يمين ويسار..

غسان: لعد شعبالج انتي اذا مااستقبلتيهم مو بعيدة يرجع لمرتة..

ايمان: الشر برة وبعيد ..فال الله ولا فالك..اسكت احسن..

غسان: اللي گتلج يا ..هذا الرجال ميعوفهم ومرتة الظاهر فهمت هيج..

ام ايمان: لعد زوج اختك الخايب شو مارجعها ..

غسان: شوفي بنتج شمسوية وصار بيهة هيج .

عموما خلينا نروح يمة تأخرنا وبيت صغير مو مال زحمة..

يلة مع السلامة ولا تخسرين زوجج رحبي بيهم وصيري زينة عمود تحافظين ع العينتين..

ايمان: مااااشي ...الله وياكم..

سرمد: هااا..بابا..شبعتو تريدون شي اشتري الكم..

علي: امنا مشترية النا كل شي ..

سرمد ميخالف..وإني هم اريد اشتريلكم .

علي: شوكت ترجعنا لاامنا .

سرمد: علي ..امكم هي رادت اخذكم شهالحجي..انتو رح تجون يمي ..

وخ ايمان..رح تعتني بيكم..

وصلنا البيت ..استقبلت ايمان الجهال بحنية وسعادة..

ايمان: هلو حبايبي شونكم..اني من اليوم امكم..

علي: لا مو امنا ..امنا زمن..

حسين: علي ..امي شكلتلك..

سرمد: اعتبرهة خالتك ..من اليوم..

حضرتي الغرفة ايمان..

شحضر منهة سرمد تعرف لااكد. اشيل ولااحط ..بعدين هسة وين استقبل خطاري المشتمل مثل القوطية وانت جبت الجهال..

سرمد: يكفينا يكفينا ..

وماكو داعي تشيلين هن الخطار محد يجي غير اهلج..

ايمان: سرمد حبيبي ..شو تعصبت خير واذا جوي اهلي اني اضوج وحدي ..

سرمد:هاي جوي الجهال يلهوج..

ايمان: مرح ..ترجعهم لاامهم..

سرمد: لا..خل تتادب شوية يلة

ايمان: ليش شسوت المحروسة.. والله طلعت مو هينة..

سرمد: زمن تريد تطلك..

ايمان: اييييي..دطلگها واخلص..

سرمد: شنو اطلكها هاي ام جهالي..

ايمان: شنو هالحجي ..نجيبلك جهال اذا تريد شخالحجي بعدين ام جهالك موهياتهم صحت بيهم..

والله طلكها واخلص وبدل هالقوطية نروح نكعدبذاك البيت جبير ويكفينا واتباهى كدام صديقاتي..

سرمد: يابيت ..قصدج بيت الكاعده بي زمن .

اي..هو..

هذا بيتهة..

ايمان: شنووو بيتهة من يمتة ..

سرمد: من توفت امي هي اشترت حصة الولد وصار ثلثينة آلهة..

ايمان : يعني مساعدتهة بالفلوس..

سرمد : لا ..هي ورث ابوهة ع الفلوس العدهة اشترت..

ايمان: يعني شنو سرمد نظل احنا بهاي الشبيرين كاعدين وبااسم اخوك لازم تلكانة حل ..

سرمد: شبي ..كافي علينا ..

وجهالك ..

شبيهم جهالي ..ايمان من زوجتج كتلج احتمال زمن تطلب الطلاگ وجهالي مااخليهم وانتي گلتي ماعندي مانع اني اربي جهالك..شو تغير الحجي من صار صدك..

ايمان: سرمد لاتنسى اني شمرت ابني ع ابو وطلگت عمودك..

سرمد: بعد ١٢سنة يلا فكرتي..

ايمان: سرمد ..شو انت روحتك لزمن غيرتك علية سرمد نسيت اني جگد احبك شگد مداريتك ..

تذكر جنت تكلي متزوج قالب ثلج شنو غيرك علية ..

سرمد: ايمان شنو لازمة هالحجي ذولة جهالي وتحمليهم ..

أيمان : وامهم ..؟

سرمد: تظل امهم وإني ابوهم وذولة جهالي وين مااكون يكونون..

وتعلمي منا وهيج..

يلا ..تصبحين ع خير..

وين ..رايح..

اروح انام يم الجهال لا يستوحشون من اول يوم امهم ماكو..

ايمان: لااا..سرمد اليوم كلة عايفني وحاير بجهالك..وتالي تنام يمهم..

سرمد: صار خمس اشهر يمج وناسي جهالي ..

يوم واحد فرق عندج لو املج بعد يوم يمج ويوم يم زمن شتسوين..

شنو ..شنو..سرمد تروح لذيج ..

سرمد: عدهة اسم واسمهة زمن ..ولاتتجاوزين ..

ايمان: شبيك حبيبي علية ترة اني هم أحبك وأغار عليك ليش تسوي هيج..

سرمد: انتي مزوجة رجال متزوج لازم تعرفين انتي مو وحدج..وبلا هالنقاش الي ورا مشكلة ..من رخصتج تصبحين ع خير..

ايمان: خرب بالحظ هاي مين طلعتلي هي وجهالهة اني ابني متعاجزة منة..

سرمد: دخلت ع جهالي نايمين ..غطيتهم..اخذت نفس طويل وين چنة وين صرنا ..شكاعد تسوي زمن هسة بلا الجهال اكيد مقهورة وتعبانة ..

اني شون سويت بيهة هيج اوووف ضاع دلالج يازمن..

يلة ..خل اغفي باجر وراية دوام..

كعدت بنتي وردة..

وردة: بابا..بابا..

سرمد: هااا..بابا ..

بابا ..احنا شوكت نرجع بيتنا..

سرمد: ليش هذا مو بيتكم ..مامرتاح تنامين يم بابا..

وردة : بابا وماما عفناها وحدهة وإني اضوج اني مموجودة..

سرمد: ميخالف ..هي اكيد مشغولة عدهة دراسة اوتصحيح تعرفين جگد عصبية من احد يزعجهة..

وردة : بس ماما..اخذت إجازة مدا داوم ..

سرمد: امج تأخذ إجازة..شلون..

وردة: مااعرف سمعت خالة زينة تكوللهة خليج هيج صحتج منهارة بسبب الكاعد سوي بروحج يمكن مريضة هي ..وانطوه. إجازة..

سرمد: يعني امج ماعدهة دوام وتطلع وتطب..حجيت بيني وبين نفسي ووردة كعدت تبجي.. هاي فرصة اودي وردة ..

واحجي وياها اكيد بعدي عنهة خلاها تشتاقلي..

حجيت ويا وردة..

وردايتي ..تذكرين من جنا نسوي باامج مقلب ..وبعدين هي تخاف علينا ونكللهة سوينا مقلب..

وردة: اي اتذكر..شنو رح نسوي بكامل مقلب..

اي ..تعالي اكللها مصخنة ومعرفت شسوي عمودهة..

وهي رح تفوتج خائفة ونكعد نحجي..

وردة: بابا..انت ليش عفتنا وعفت امي..

سرمد: بابا ..الكبار مرات يحسون مامرتاحين فيسوي شي عمود يرتاح..

وردة: ليش ماما مو جانت تحبك ليش عفتهة ..انت هسة مرتاح بدونة ..احنا مرح نسوي هوسة وخلينا نرجع سوا..

سرمد: اووف..اتفقنا نروح ع ماما..

وردة : يلا..

البسي ملابسج..

وين قمصلتج..

هياتي ..يلة لبسي..

البيت بعد كم بيت وكفت كدامة البيت جانت الدنيا مطر ..

سرمد: خ ندگ ع امج..

دگيت ع تلفونها يطلع كلة مغلق ..

دكيت ع علي اخوية ..جان مسافر هو وسارة ..كتلة يشوف بلكي تجاوب ..

دگ ..جاوبت..يعني مسويتلي حضر ...

المهم..طلعت تركض ..تنكعنا احنا الاثنين..

كانت ..خائفة ..

زمن: سرمد ..الجهال بيهم شي..

سرمد: لا مبيهم ..بس وردة مصخنة ..وكانت تبجي عليج..

زمن: وينها لعد..

سرمد: بالسيارة ..صار ساعة ادگ عليج وادك الباب..وتالي خابرت ع علي..

رح اجيب وردة فوتي جوة تنكعتي..

زمن: اوكي..يلا جيبها بسرعة لاتتبلل..

ولا اكلك رح افتح الباب فوت السيارة ..

سرمد: اكو فرح داخلي..مااعرف شنو هو بس فرحت لمن كالتلي ادخل..

زمن: يلا سرمد ..لاتوكف يلا فتحت الباب..

سرمد: كانو أبواب الجنة انفتحتلي من جديد..

ماااشي..

بسرعة نزلت وردة وركضنا لمدخل الباب..

سرمد: وكفت زمن ..كانو مرايدتني افوت ..

لزمت ايدي وردة يلا بابا فوت انت مبلل..

زمن: بابا ..يمكن مستعجل يريد يرجع..

وردة: بس بابا مبلل انتي مو تكوليلة دائما لاتطلع مبلل تتمرض..

سرمد: يلا ..بابا اني رايح ..بأجر امرلج الصبح اخذج للمدرسة..

زمن: سرمد ..تعال فوت..بس عمود وردة لاتضوج..

سرمد : ماشي..يلا..

زمن: مااعرف شنو خلاني اكله فوت بس شفته منگع بهدومة وتعبانة حتى نظرتة تغيرت مو ذاك اللا أبالي..

فوتهة فحصت وردة ممصخنة..

زمن: لمست وجهة حطيت ايدي جوا ابطهة ماكو حرارة..

هاي ماكو حرارة ماما انتي مو مصخنة..

سرمد: يعني مو مصخنة ..لعد ليش كلتلي مصخنة..

زمن: هزيت راسي ..يعني انت اعتمدت ع حجي وردة ما شفتها مصخنة لو لا..

ابتسم..وقال:

وإني شعرفني كالت مصخنة جبتهة هنا انتي اعرف مو دكتورة انتي..

زمن: هزيت راسي ..دكتورة بالتاريخ مو بالطب..

سرمد: هههه المهم تفتهمين بهالسوالف..

زمن: اووف ..متغيرا ابد..

سرمد: شيغيرني اني ..بهالعمر اتغير..

شلت بنتي ..باوعت علي بعده بهدومه..

زمن: سرمد رح اجيب تلك هدوم بدل لحد ماتنشف هدومك ..

سرمد: بعدج ..تخافين عليه ...

زمن: مو خوف ..بس هسة تبلل التخم

سرمد: بعدج بواهس النظافة..والترتيب..

زمن: لعد شعبالك..

سرمد: انتي هم تبللتي مابدلتي ملابسج ..

زمن: هسة ابدلهم..

بهالاثناء نامت وردة ..

عالقنفة..

زمن: اروح ابدا واشيلها بغرفتها..

سرمد: هسة اشيلها اني ..نزع ملابسة بالفانيلا بقى احس برعشة داخلي ..

درت وجهي ..وطلعت اشغل الضوة وأحضر فراشها..

زمن: هنا ..نومهة ..صارت وجوهنا مقابيل بعض..اترددت ..وانسحبت..

فتت للغرفة. نزعت ملابسي ..فات سرمد ..

مااعرف كنت واگفة ومتبسمرة ..تقرب إلي حضني زبدة يهمس بااذني ..ااااخ جكد تعبان اني زمن ومشتاقلج ...مشتاق لكل شئ بيج تعبان وعطشان ومحد يرويني غير حبج..

زمن : كنت مشتاقة اسمع هالحجي مشتاقة لحضن زوجي تعبانة ومهدود حيلي مااعرف شون بدقائق صرنا نفس الفراش ..هو مندمج وإني بلحظة ذكرت كلامة وهجرة الي ..تذكرت سنين وهو هاملني وإني مدللته محسيت روحي شون دفرتة بعدتة عني..

وهو ظل صافن وإني كعدت ابچي ،يمكن بالنوادر ابجي..بس بجيت ساعتها..

سرمد: زمن ..شبيج ..

زمن: مابية ..عوفني بس..روح اطلع..

سرمد: زمن..اني اسف جرحتج حبيبتي..بس والله..

زمن: والله ضعت بلياج ..مو عارف شون عشت ..شنو لعبة باايدك احنا ..تعوفني وتهجرني بعدين ...

وهسة جاي تگلي احبج..

سنين وإني اتحمل تجاهلك الي ..واكول ميخالف طبعك انت جدي ثقيل ..تدللت مثل مكالت المرحومة ..

بس ساعة ماشفتك وياها ولازم ايدهة ومو هامك أحد وابتسامتك الها ..عمري ماانساها عمرك كلة مافرحان بشوفتي كدهة ..

حسدتهة ..وكرهت روحي..انت خليتني أكره روحي لان..حبيتك..

نوبة بكاء..

سرمد: تحبيني..انتي من شوكت تحبيني انتي دائما تصدني حتة وانتي نايمة ويايا ..رافضتني ..ايام اشوفج تبجين وإني مو فاهم ع شنو البچي ..

زعلتي واللي فهمتة رجعتي مجبورة ..

حتة زواج اخوتي مجنتي رائدة رابط يصير بينا ..

انتي عمرج مااا..

زمن: صح ..عمري ماكلتلك احبك بس تعبي وسهري ودلالي وخوفي كلهم يگولون احبك..

سرمد: اني جنت رائد زوجة مو ام..

انتي دائما تحاسبيني كلامي سامحيني لان امي..عمرج مكنتي زوجتي ..دائما تصغريني كدام جهالي ولاخالة اي احترام أو فوارق..

انتي دائما تبينيني الفاشل الي مو نافع الشي حتى گدام اخواني..

زمن: كااافي..كافي تلك اعذار عمود تطلع روحك الصح انت الي اختاريت لروحك هذا الدور وهاي الحياة..

سرمد ..انت صح اني من زمان رافضتك..من زمان رائدة انفصل عنك لان انت حسستني اني لاشيئ ...حالي حال اي خدامة ..

لهذا الله يخليك..طلگني ...مااريدك..مااگدر اعيش وياك بعد كل شي بينا انتهى..

اني بعد مااريدك دخيلك ريحني طلگني وخليني ارتاح..

سرمد: انتي مقتنعة بحجيج هذا...

زمن: اي سرمد خلينا ننهي هالعلاقة وانت كمل حياتك ويا اللي ردت تعيش وياها ..

سرمد: ماااشي...مثل متريدين ..بس مو هسة يجون اخواني ونحل هاي المشكلة..

زمن: اخوانة مالهم علاقة لاتدخل ولاتخرب حياتهم ..

سرمد: ماشي زمن التريدي يصير ..

مع السلامة وتصيحين ع خير..

زمن : طلع سرمد وظليت ابجي ...مو بسهولة انسان نعيش ويا ونحبة هيج بكلمتين تنتهي حياتنا ويا ، مو بسهولة ننسى ، جنت دائما نتظر هذا الباب يندگ ويجي يفتح الباب ويصافحني ويطلب السماح وإني ارضى واتناسى ..

بس لمن اجة هذا اليوم واجتي هاي الفرصة كرامتي هي الثارت وهي الي عبرت عن رفضي وثرت لروحي المجروحة واعترفت الة حديث مخزون صار سنين ماانحجة بصيغة عتب انحجى كنهاية لحب ماعاش ولا رح يكون طول مالكو طرف ثالث بالموضوع..

............

ايمان: معقولة ..هذا سرمد الكان يحبني وين حبة ..احسن شي اروح اجرجرة شوي اغري عمود يجي يمي ..

.....

فتحت الباب..

وين سرمد..بس الولد نايمين..

بهالاثناء دخل سرمد..

ايمان: سرمد..هاي وين چنت..

سرمد: وردة مصخنة وديتها لاامها..

ارتاحيتي..

ايمان : شنووو..جنت يم زمن..

خوش درب..ودي الجهال وجيبهم وروح آلهة ..

سرمد: ايمان اني مو جاي من يم صديقتي ..اني جاي من يم مرتي..والمفروض هي النضوج مو انتي..

ايمان: سرمد احنا اتفقنا تبقى الي وحدي مو أحد يشاركني بيك..

سرمد: والواقع ..انتي متزوجة واحد مزوج قبلج ولازم تتكيفين ..

تصبحين ع خير ..

ايمان: هين يااا زمن ..تشمرين جهالج علية وتاخذين رجلي اني اعلمج..

زمن: تعبت من البجي ومااعرف شوكت نمت .. كعدت تعبانة وراسي يوجعني ..

وحتة عيوني مغوشة ..

غسلت وجهي وكعدت وردة شوية وصاحتني..ماما ..تلفونج يدگ..

زمن: منو ماما..

مااعرف؟

باوعت..هذا رقم غريب ..منو هذا..

رفضتة ورجع دگ..

وظل يدك وماعرفت منو هو

وتصبحون ع خير..

نازك الملائكه