"Hindi ko inaasahan na sa ganitong pagkakataon ko pa makikilala ang ama mo Vivoree," walang emosyon na sabi ni Roch. Hindi na napansin ni Vivoree ang bagay na iyon dahil nakatutok siya sa kalagayan ng kanyang ama.
"Sino naman ang may gawa nito sa kanya?" naiiyak na wika ni Vivoree.
"Hindi kaya karma niya ito dahil sa ginawa niya sa 'yo?" dahil doon ay masamang tinignan ni Vivoree si Roch.
"Nasasabi mo pa talaga iyan sa harapan ko Roch? Nakikita mo naman ang kalagayan ng papa ko oh," naiinis na wika ni Vivoree sa kanya. "Paano mo pa nasasabi at naiisip iyan?"
Hindi na sumagot sa kanya si Roch. Hindi naman makapaniwala si Vivoree na nagawang isipin at sabihin iyon ni Roch mismo sa kanya. Kahit naman hindi naging mabuting ama at asawa ito sa kanyang ina ay ama niya pa din ito kahit pa bal
