"Roch, n-natatakot ako," rinig niyang sabi ni Vivoree.
"Hindi mo ba siya naririnig? Natatakot na siya kaya naman bitawan mo na siya," seryosong sabi ni Roch sa kanyang pinsan.
"Alam mo pakialamero ka talaga eh no? E 'di bitawan!" marahas na wika ni Ephraim saka niya tinulak si Vivoree kaya napapikit si Vivoree. Mabuti na lang ay nasa likuran niya si Roch kaya nasalo siya nito.
"Ayos ka lang?" nag-aalalang tanong ni Roch kay Vivoree kaya napatango sa kanya ang dalaga. "Ephraim, humingi ka ng sorry kay Vivoree para sa pambabastos mo."
"Roch, huwag na. Nakakahiya na dito. Umalis na lang tayo," mangiyak na wika ni Vivoree kaya naman napatango na lang si Roch dahil naaawa siya kay Vivoree.
"Sige," mahinahon na sabi naman ni Roch saka niya hinubad ang suite niya at isinuot kay Vivoree saka
