"Oo, pumayag ako kasi inaasahan ko na baka dahil dito sa pagpapakasal ko sa taong hindi ko pa nakikilala ay baka mahalin na rin ako ng magulang ko," nakangiti ngunit nangingilid na wika ni Lily kay Vivoree. "Pasensya ka na. Ang drama ko na no? Salamat ulit sa 'yo."
"Wala iyon, ang hiling ko ay maging masaya ka sa buhay may-asawa mo. Saka huwag mong isipin yung sinabi ng kakambal mo. Tiyak magsisisi siya sa sinabi nya kapag nakita na niya mismo ang mapapangasawa mo," nakangiting sabi ni Vivoree kay Lily. Pinigilan na ni Vivoree ang sarili niya dahil baka mawala ang excitement kapag sinabi niya kay Lily ang totoo. Kahit naguguluhan naman si Lily ay hindi na siya nagtanong dahil oras na rin naman ng seremonya ng kanyang kasal.
"Kinakabahan ako," sabi ni Lily kay Vivoree nang tumayo na siya
