"Ma'am Vivoree, bawal po talaga kayo pumasok. Isa pa ay wala kayong schedule para makausap siya," kinakabahan na awat ni Oliver kay Vivoree pero tuloy-tuloy lang sa pagpasok si Vivoree sa opisina ni Roch. Wala nga siyang pakialam kung nakaagaw siya ng atensyon sa dati niyang mga katrabaho.
"Padaanin mo ako kung ayaw mong manghiram ng mukha sa aso!" singhal na wika ni Vivoree sa kinakabahan pa din na si Oliver. Hinarang kasi niya ang kanyang katawan sa pintuan ng opisina ni Roch. "Alam kong nandito ang amo mo!"
"Oliver! Bakit ang ingay jan sa labas?! Diba ang sabi ko ay ayoko ng istorbo!" sigaw ni Roch habang nagbabasa pa din ng ilang papeles. Maya-maya lang kasi ay may meeting siyang dadaluhan.
"Iniiwasan mo ba ako Roch?" napaangat naman ng kanyang ulo si Roch saka siya napatingin kay V
