Mula sa ilalim ng kama sa kwarto ni Amiera ay narinig ni Kaiden ang pagbukas ng pintuan sa labas at mga yabag na pumasok sa loob ng bahay.
“A-Axel… napadaan ka? Bakit ka may kasamang pulis? Anong mayroon?” Narinig niyang sunod-sunod na tanong ni Amiera sa bisita.
“Sino siya?” Narinig naman niyang ganting tanong ni Axel kay Amiera. Sa wari niya’y ang pinsan niyang si Roman siguro ang tinutukoy nito.
“Kaibigan ko,” mabilis na tugon naman ni Amiera.
“Kaibigan?” tanong muli ni Axel na para bang hindi ito kumbinsido sa naging sagot ni Amiera.
“Oo. Teka… Ano ngang mayroon? Bakit napadaan ka?” muling tanong ni Amiera kay Axel na pinipilit nang ibahin ang usapan nila.
“Amiera, may masama akong balita,” tugon naman ni Axel.
“Huh?”
“Nakatakas sa bilangguan si Rexter. Kaya, mag-ingat ka sana
