Hindi alam ni Kaiden kung paano niya nagawang patakbuhin ng mabilis ang sasakyan na minamaneho niya, sa kabila ng mabilis na paghabol din sa kanila ng mga pulis kanina. Malakas ang bawat pagkabog ng kanyang dibdib, isa sa nagpapatunay sa takot na kanyang nadama kanina habang pilit na tumatakas sa kamay ng batas.
Buong buhay niya, hindi niya naisip na mangyayari sa kanya ang ganito. Malaki ang respeto niya sa batas at sa mga alagad nito. Lumaki siya ng may takot sa Diyos at ng may respeto sa kanyang kapwa-tao. Hindi niya nais na takasan ang batas ngunit kinakailangan niya iyong gawin dahil hindi naman talaga siya si Rexter. Wala siyang pinapatay na kahit na sino kaya wala siyang dapat na pagbayaran sa batas. At iyon ang nais niyang patunayan ngayon. Kaya naman mas lalong tumitindi ang pagn
