May kung anong naramdaman na paggalaw si Amiera sa loob niya nang mga sandaling hagkan-hagkan siya ni Kaiden. Ramdam na ramdam niya dito ang labis na pag-aalala nito para sa kanya. At hindi naman niya maikubli sa sarili ang malakas na pagkabog ng dibdib dahil doon.
“Salamat at ligtas ka,” wika ni Kaiden sa kanya.
Ilang sandali pa nang marinig na nila ang pagdating ng mga kapulisan at ng ambulansya.
“Tara na, kailangan na nating umalis dito,” wika ni Roman sa kanila saka humiwalay si Kaiden sa pagkakayakap sa dalaga.
Mabilis nga silang umalis sa lugar na iyon at mabuti na lang din dahil madaming tao doon. Hindi sila napansin ng mga kapulisan. Mabilis silang naglakad palayo sa lugar na iyon. At nang bahagyang nakalayo na sila ay tumigil na muna sila tabi ng isang gusali upang makapagpahi
