“Dito! Dito!” malakas na mga sigaw ng lalaking nakakita kina Kaiden, Roman at Amiera. Tila nagtatawag ito ng mga kasamahan niya kaya naman kaagad na kumilos ang tatlo.
Mabilis itong itinulak ni Roman palabas ng kwarto na kinalalagyan nila saka nito pwersahan na isinara ang pinto. Kaagad naman na pumalag ang lalaking itinulak ni Roman at pilit na binubuksan ang pinto. Ngunit mahigpit na hinawakan ni Roman ang doorknob upang hindi ito tuluyang mabuksan.
“Dalian niyo!” sigaw ni Roman kina Kaiden at Amiera.
Mabilis naman na naghagulap pa ang dalawa sa kwarto ni Axel, pilit na hinanap ang ebidensyang pinagkatago-tago ni Axel.
“Bilis! Nandito sila sa loob ng kwarto ni Boss!” Narinig ni Roman na sigaw ng lalaki habang pilit pa rin na binubuksan ang pintuan ng kwarto ni Axel.
Habang sina Kai
