Madeline’s POV
“Madi hija, dumating na ang fashion designer na nai-hire ko from Paris. Are you ready now?” Tanong ni Tito Florante mula sa labas ng pintuan.
Napatakip ako ng unan at talukbong ng kumot habang pilit na bumabalik sa tulog. Mula ng nangyari kagabi ay sa hotel ako dumiretso upang makipag-usap sa isang mahalagang tao.
Hindi ko nga alam kung paano ako nakaharap sa kaniya gayong sobrang lango ako noon sa alak. Sila ang nag-asikaso sa madugong krimen na nagawa ko kagabi kaya hanggang ngayon ay walang balitang lumalabas tungkol dito.
Hindi iyon sakop ng Arcadia at iyon ang isa sa aking mga sikreto. Miyembro ako ng isang organisasyon na tumutugis sa mga taong halang ang kaluluwa na hindi mahuli ng mga kapulisan dahil na din sa lakas ng kapit ng mga ito. Ang mga lalaki
