SINAMAHAN kami ng manager ng resort sa kuwartong ipina-reserve ni PJ. Bukod sa kuwarto mayroon ding cottage na kasama ito.
Hindi ko tuloy maiwasang magtaka sa accommodation na mayroon kami.
“Bakit kailangan mo pang kumuha ng kuwarto kung may cottage na tayo? Malaki naman iyong cottage at malapit pa sa beach. Sapat na iyon kaya hindi ka na sana kumuha pa ng kuwarto,” puna ko sa kanya.
“Okay lang naman kasi mura lang ang bayad. Saka kung mag-overnight tayo, alangan namang sa cottage tayo matulog. Malamig doon lalo na sa gabi dahil panay siwang ang dingding,” paliwanag ni PJ.
Nagsalubong ang kilay ko sa sagot niya. “Akala ko ba uuwi rin tayo. Mag-o-overnight tayo dito? ”
“Oo. Ayaw mo ba?”
Imbes na sumagot, napatingin ako sa magkatabing kuwarto na tutuluyan namin. Dalawang kuwarto iyon
