“SO, ANONG masasabi mo?” tanong ko kay Lian pagkatapos kong ikuwento ang lahat sa kanya mula pa sa unang pagkikita namin ni PJ hanggang sa napansin kong pagbabago niya nitong mga huling linggo.
Hindi agad sumagot si Lian. Uminom muna siya ng juice saka tumingin sa akin pagkababa niya ng baso.
“Hindi ko alam kung ano ang sasabihin o iisipin sa kuwento mo. Nalilito ako. Pero tingin ko mukhang mapanganib ang iyong asawa base sa kuwento mo,” sagot ni Lian.
Nagsalubong ang kilay ko sa sinabi niya. “Paano mo naman nasabi na mapanganib nga siya?”
“Look, Jenezel, ang sabi mo sa akin kanina dati-rati sinasaktan ka ng asawa mo noon. Tapos tinutukan ka pa niya ng baril at muntik ka nang mamatay dahil doon. Pero noong magising ka sa ospital bigla na lang siyang naging mabait sa iyo. Dalawa lang an
