CHAPTER 23
ARZIEL POV
Ginising ako ng banayad na liwanag ng araw na dumaan sa kurtina ng sala. Mahina ang hangin mula sa bukas na bintana, at ang unang bagay na naramdaman ko ay ang braso ni Gideon na nakayakap pa rin sa bewang ko, mahigpit at mainit. Napangiti ako habang marahan kong iniunat ang aking katawan. Naramdaman ko rin ang marahang halik sa likod ng tenga ko.
"Good morning, baby," bulong niya, garalgal pa ang boses.
"Hmm... good morning din," sagot ko, nakapikit pa rin pero ramdam ang kilig sa tono niya.
Bumangon ako para magtungo sa kusina. Napansin kong 8:30 na ng umaga sa wall clock. Medyo late na, pero hindi ko alintana. Masarap pa rin sa pakiramdam ang gumising na may kayakap. Nagsimula akong magluto ng almusal—itlog, sinangag, at hotdog. Simple lang, pero sapat para sa
