SA HOSPITAL
( Beatrice Pov )
Nagwawala, sumisigaw, umiiyak at walang ganang kumain. Ang paulit-ulit na ginagawa ni Bea sa loob ng kaniyang kwarto. Parati rin niyang sinisisi ang sarili tungkol sa aksidenteng nangyari at makailang beses na rin niyang sinubukang magpakamatay. Gayunpaman ay hindi siya pinabayaan ni Aldrin at palagi lang siyang nakabantay sa dalaga.
Halos doon na rin siya natutulog sa tabi nito at kahit pinagtatabuyan na siya ng dalaga ay hindi pa rin niya ito sinusukuan.
Alam niya kung gaano ito kasakit para sa kaniya at gaano kahirap ang pinagdadaanan niya ngayon. Kaya maging siya ay nasasaktan sa tuwing nakikita niya itong umiiyak at nahihirapan.
Makalipas ang tatlong buwan ay hindi na ito madalas nagwawala, ngunit madalas naman niyang napapansing tahimik at nakamasid
