VAL’s POV
“Okay ka lang? Bakit nanginginig ka? Baka gutom ka na?” tanong ko kay KD.
Kakaiba ang hitsura niya kasi. Para siyang namumutla at nanginginig. Oras na ngayon ng tanghalian kaya baka gutom na siya.
“Okay lang ako. Ano bang sasabihin mo?” ako na naman ang tinanong.
“Makakapaghintay ang sasabihin ko. Magluluto muna ako. Ikaw ang mag-relax. Pahipo nga kung mainit ka,” tumayo ako at nilapitan ko siya para malaman kung may sakit ba siya.
“Okay naman. Baka gutom nga iyan. Nahihiya ka lang umamin. Sandali lang talaga ang corned beef. Sana okay pa ang kanin kung hindi magtitinapay na lang tayo, puwede pa rin naman ang corned beef.” Tumuloy na ako sa kusina.
Una kong binisita ang rice cooker. Okay pa ang kanin. Iinitin ko na lang.
Mabilis din ang pagkilos ko para makapaggayat n
