MAY kausap si Brix sa cellphone nito nang mapagbuksan niya ng pinto ng kaniyang silid. Agad itong napatingin sa kaniya nang makita siya. Ibinaba nito saglit ang phone.
"Cat..."
"Kakain na," nakasimangot na sabi niya sabay sarado ulit ng pinto. Nagtungo na siya ng kusina kung nasaan ang buong pamilya niya na sabay-sabay maghahapunan nang gabing 'yon. Masama pa rin ang kaniyang loob at hanggang ngayon, wala pa rin siyang ganang kausapin ito.
"O, nasa'n na 'yon?" tanong ng kaniyang papa.
"Lalabas na raw siya," pagsisinungaling niya kahit hindi naman niya hinintay ang sasabihin nito.
Wala rin siyang ganang kumain kaya kaunti lang ang kinuha niya.
Hanggang sa matapos silang lahat ay walang Brix na nakisalo sa kanila. Gusto niyang puntahan ito sa kuwarto para ayain ulit dahil alam niyang
