AWTOMATIKONG napasimangot si Catalina nang senyasan siya ni Brix na lumipat ng upuan. Naroon na sila sa may restaurant sa loob ng La Trinidad Hotel kung saan magkikita si Brix at ang Mr. Gomez na malamang ay kliyente o ka-business dealer nito.
Ang pinili niya kasing upuan ay iyong nasa kabilang table at medyo malayo sa binata. Wala pa naman ang ka-meet up nila kaya ayaw niya pang lumapit dito.
Ngunit nakailang pilit ito sa kaniya at talagang kita na sa mga mata nito ang inis kaya wala siyang nagawa kung hindi ang sundin na ito.
Padabog siyang naglakad at naupo sa upuang itinuturo nito. Sa tapat nito mismo.
"Mr. Gomez is not coming," napatda pa siya nang ibalita iyon sa kaniya ni Brix.
"S-So ano pang ginagawa natin dito?" nauunsyaming tanong niya.
"Nandiyan sa harap mo ang menu,
