Nagtagal ako sa mansion ni Rafael. Ang masasabi ko lamang ay wala naman akong makitang mali sa kaniya maliban sa kung paano siya balutin nang kakaibang aura na hindi ko man lang maipaliwanag.
Madalas ko pa ngang ikumpara kay Vile ang kaniyang aura dahil magkaiba talaga sila. Ngunit sa huli ay napipilitan akong tanggalin sa utak ko si Vile dahil hindi ko nga naman siya gaanong kilala pero litaw siya nang litaw sa aking isipan. Noong una pa nga, ang akala ko ay dahil baka nauna ko lang makilala si Vile kaysa kay Rafael pero nagkamali ako.
Pakiramdam ko ay mas malalim pa ang dahilan na iyon. Hindi ko nga lang kayang alamin kung ano dahil sa pagre-react ng aking puso. Oo nga at nakakatakot si Rafael. Nahihirapan din akong magtiwala sa kaniya. Kung ikukumpara ko naman kay Vile, mabilis akong
