Tinitigan ko ang suot kong singsing na nasa aking kanan. Dahil nga may suot na akong singsing sa kaliwa, isinuot ko na lamang ang bigay ni Vile sa akin sa right ring finger ko.
Nang ibigay sa akin ni Vile ang singsing na ’to, aaminin kong nagandahan ako dahil hindi naman malaki ang diamond niya. Sakto lang. Simple at hindi nakakasawang tingnan. Hindi ko nga rin alam kung bakit may mag-udyok sa akin para isuot ito. Basta ang alam ko lang, gusto kong suotin.
Magmula rin nang ikasal kami ni Rafael, naging busy siya. Madalas siyang nagpupunta sa Italy at inaabot nang ilang linggo bago makauwi rito. Hindi rin naman siya naging mahigpit sa akin. Hinahayaan niya lang akong gumala at magtrabaho.
Aaminin kong mas masaya nga na ganito ang nangyayari. Kung baga hindi ko na kailangan pang magpaalam
