“GOODNIGHT,” ani Vicente pagkatapos siguruhin na maayos na si Marissa sa kanyang silid. Ookupahin niya ang isa sa mga guest room ng villa habang ang magpipinsan naman ay pupunta sa kanya-kanyang cabin. “`Sabi ko naman kasi sa `yo doon—”
Iniharang ni Marissa ang isang daliri sa mga labi ni Vicente. “Huwag makulit,” natatawang saway niya. Kanina pa kasi nito ipinagpipilitan na doon na lang siya matulog sa cabin nito. Dalawa raw ang silid doon. “Sige na. Goodnight.” Hinawakan na niya ang braso nito at inakay palabas ng pinto.
Vicente was grinning. “Kiss ko?”
Pinaikot ni Marissa ang kanyang mga mata. Kanina lang sa hapag-kainan ay halos lumubog na siya sa kahihiyan sa harap ng mga pinsan ni Vicente. Paanong hindi gayong lalanggamin na ang binata sa ka-sweet-an. Naroo
