“ALL ALONG may suspect ka kung sino ang posibleng magtangka sa buhay mo?” hindi makapaniwalang tanong ni Cedrick kay Vicente. Mahigit isang linggo na ang lumipas mula nang makauwi si Vicente sa Maynila. At isang linggo na rin ang lumipas na patuloy niyang iniiwasan si Marissa. Sa una ay tinikis niya ang mga pinsan at hindi inimik ang mga ito pero hindi rin siya nakatiis. Hindi naman kasi niya magagawang magalit sa mga pinsan dahil kabutihan lang niya ang iniisip ng mga ito.
Patamad na isinandal ni Vicente ang likod sa sofa, saka pumikit. Muli rin siyang nagmulat ng mga mata nang pumasok sa isipan niya ang imahen ni Marissa. “May suspect ako, pero wala akong ebidensiya kung siya nga ang sumabotahe sa chartered plane ko kaya naaksidente si Kuya Brandon.”
“Sino?”
“
