Agad na tinabihan ni Carmela ang tulog na ngang si Jiro. Maingat niya itong inakbayan at maayos din na inilagay ang ulo nito sa kanyang balikat upang isandig doon. Bahagyang dinungaw niya ang guwapong mukha nito. Himbing na himbing na nga yata ito sa pagtulog. Sinabi na nga niya sa mga ka-buddy na huwag lalasingin ay ginawa pa rin. Mukha pa namang hindi talaga ito umiinom ng alak.
"I'm sorry..." hinging paumanhin niya sa nobyo kahit hindi naman siya maririnig nito dulot ng ingay na nililikha ng mga naglalakihang speakers.
Bukod pa roon ay tulog ito. Hinalikan niya ang bumbunan ng nobyo at nalanghap niya ang mabango nitong buhok. Napangiti siya. Hindi niya napigilang haplusin ang buhok nito. Pinadadaan sa pagitan ng kanyang mga daliri ang mga hibla ng buhok nito at hahaplusin uli pagkatap
