Halos sumubsob si Carmela sa malapad na dibdib ni Jiro ng walang babalang hinatak siya nito sa kanyang braso nang humarap ito sa kanya habang naglalakad sila papunta sa gitna ng dance floor. Kung hindi lang siya nito mabilis na nahapit sa kanyang baywang ay malamang ngang nangyari iyon.
Namamantal ang noo na tiningala niya si Jiro para lang makita ang pag-ngisi nito. Sinimangutan niya ang binata at akma sanang hahampasin ito sa dibdib nang mabilis na naagapan nito ang kanyang kamay. Hinuli nito iyon at kaagad na isinampay sa balikat nito, ganoon din ang ginawa nito sa isa.
Napakislot siya nang muling maramdaman ang mga kamay nitong masuyong humawak sa magkabilang baywang niya upang maghanda sa pagsayaw. Tila naglabas ang mga iyon ng bolta-boltaheng kuryente na naging sanhi nang malalim n
