OKTUBRE 15, 2002
Lunes, 1:20 AM
“‘Yong sponsor mo, inaantok na yata—ay mali, tulog na pala..." pamamalita niya kay Garcia nang salubungin niya ito.
Kapapasok pa lang nito ng tuluyan sa loob ng university gymnasium. Binigyan niya kasi ng huling sulyap si Jiro na patamad na nakaupo sa dulong itaas ng ikalawang bleachers mula sa kaliwang panig ng gym. Sinulyapan din niya ang babaeng third class na tumayo at huminto sa tabi ng ka-buddy nang tumigil maglakad si Carmela. Galing ang mga ito sa labas.
"Ha?"
Hindi nito gaanong naintindihan ang mga sinabi niya dahil natatabunan nang malalakas na tugtog na nagmumula sa mga naglalakihang sound system ang boses ni Rina Alajar. Sakop na sakop kasi no'n ang buong loob ng gymnasium.
Bahagya ring madilim sa kanilang kinatatayuan dahil patay ang laha
