"Pinapasabi nga pala ni mama at ate na gusto ka raw nila makilala." bulong niya kay Carmela nang sa gayon ay maintindihan nito ang kanyang mga sinasabi.
Naka-akbay siya sa sandalan ng upuan nito dahil bahagyang nakaharap ito sa kanya. Napansin niya ang pagkunot ng noo ng nobya na may halong reaksyon nang hindi makapaniwala buhat sa narinig.
"Ha?"
Nakagat ni Jiro ang kanyang labi habang nakangiti na sinabayan naman niya nang marahang pagtango; samantalang ang mga mata naman niya ay nakatitig sa mga mata nitong kasing dilim ng gabi.
"Oo, Carm." aniya. Kinukumpirma ang sinabi. "Pati na rin ang nakababata kong kapatid ay gusto ka ring makilala. Ngayon pa lang ay pinapaalam ko na sa iyo na kung puwede ba kitang maimbitahan sa bahay para ma-meet mo sila mama."
"Seryoso ba 'yan, Jiro?" Hind
