Sabay na napatingin si Jiro at Carmela kay Manuel dahil sa naging tanong nito. Parehas din nilang batid na sila ang tinutukoy nito.
"Oo nga. 'Yang tanong na 'yan din ang kanina ko pa gustong itanong. Kanina pa talaga ako naku-curious sa inyong dalawa eh. May kakaiba talaga sa inyo. Kayo na ba—o kayo naman talaga?" ang pasigaw na tanong ni Cadet Major Seraphine Del Fierro dahil medyo malayo ito sa puwesto nila Jiro.
Lahat halos ng mga mata ng second class at mga kasamang sponsor ng mga ito ay nakatuon na ngayon sa dalawa, naghihintay ng tamang tugon buhat sa kanila.
Sa may dulo nang mahabang mesa na iyon naman ay tahimik na nakamasid lang si Luigi sa nangyayari. Walang emosyon na mababanaag sa mukha at mga mata nito. Para dito ay hindi na kailangan pa ng kumpirmasyon kung oo o hindi ang
